Monthly Archives

June 2026

Sec. Aguirre nanindigang walang kapalit na kalayaan sakaling maging state witness si Janet Lim Napoles

By: Meann Tanbio / Bert Mozo

May 15, 2017 0 comment

Rep. Alejano planong ireklamo si Pres. Duterte sa ICC

By: Meann Tanbio

May 15, 2017 0 comment

Ex-DOTC sec. Abaya nanindigan na walang anomalya sa ₱ 3.8-B MRT-3 maintenance contract

May 15, 2017 0 comment

DepEd tiniyak na sapat ang mga silid aralan para sa K to 12 program

May 15, 2017 0 comment

Overseas employment certificate papalitan ng DOLE ID

May 15, 2017 0 comment

Pangambang ‘railroad’ sa impeachment vs. Duterte pinawi

May 15, 2017 0 comment

Janet Lim Napoles ipinalilipat na sa Camp Bagong Diwa

May 15, 2017 0 comment

San Antonio Spurs tiyak na babawi sa Game 2 vs. Warriors

May 15, 2017 0 comment

Mga Pinoy sa Japan ligtas sa kabila ng nuclear threat ng NoKor

May 15, 2017 0 comment

Iraqi forces handa nang bawiin ang Mosul mula sa ISIS

May 15, 2017 0 comment

June 2026

Nanindigan si Justice Secretary Vitaliano Aguirre na hindi magiging kapalit ng kalayaan ni Janet Lim Napoles ang pagiging state witness nito sa planong reinvestigation sa PDAF Scam.

Tiniyak ni Aguirre na sakaling tumayong state witness ng gobyerno si Napoles, hindi maaapektuhan sa gagawing reinvestigation ang kinakaharap na plunder at graft cases nito sa Sandiganbayan.

Mali anya ang paniwala ng ilan na otomatikong palalayain si Napoles kapag pumasok na ito bilang state witness sa Witness Protection Program ng DOJ.

Sinabi pa ni Aguirre na anuman ang magiging resulta ng kanilang planong reinvestigation ay idudulog naman nila ito sa Office of the Ombudsman.

Plano ni Magdalo Partylit Representative Gary Alejano na magsampa ng reklamo laban kay Pangulong Rodrigo Duterte sa ICC o International Criminal Court.

Ito’y matapos ibasura ng House Committee on Justice ang isinampa niyang impeachment laban sa Pangulo.

Ayon kay Alejano, kakausapin niya ukol sa bagay na ito ang kanyang mga kaalyado sa Magdalo, kabilang na ang kilalang kritiko ni Pangulong Duterte na si Senador Antonio Trillanes IV.

Pagnagkataon, ito na ang ikalawang reklamo na ipadadala sa ICC laban kay Duterte,kung saan ang una ay mula kay Atty. Jude Sabio, abogado ni self-confessed hitman at Davao Death Squad Member Edgar Matobato.

Nanindigan si dating Transportation Sec. Emilio Abaya na walang anomalya at walang nakinabang sa 3.8 bilyong pisong kontrata sa pagbili ng apatnapu’t walong bagon ng tren mula sa Dalian locomotives.

Sa kanyang pagharap sa pagdinig ng Senado, iginiit ni Abaya na sinunod nila ang proseso at malinis ang kanilang kunsensya.

Malinaw din anila sa kontrata sa dalian, na gumagana at compatible ang signaling system ng mga bagon, nang ito ay i-deliver.

Una nang sinabi ng DoTr o Department of Transportation na magagamit lamang ang naturang mga bagon pagkatapos ng tatlong taon, kung kailan maaayos na ang signaling system nito.

By Katrina Valle

Tiniyak ng Department of Education (DepEd) na sapat ang mga silid aralan para sa K to 12 program sa darating na pasukan.

Ayon kay Education Undersecretary Jesus Mateo, maayos ang kanilang naging preparasyon sa usapin ng silid aralan at pasilidad para sa Senior High School.

Malaking tulong aniya ang pataas na pataas din na budget ng DepEd.

Sa ngayon, ay tinututukan din ng kagawaran ang teacher to pupil ratio na kasalukuyang nasa 1 is to 32.

Ngayong darating na pasukan ay sisimulan nang i-offer ng mga pampublikong paaralan ang grade 12.

By Ralph Obina

Papalitan ng ID mula sa Department of Labor and Employment (DOLE) ang overseas employment certificate (OEC) ng mga OFW o Overseas Filipino Workers.

Ayon kay Labor Secretary Silvestre Bello III, kabilang ito sa mga naging kahilingan ng mga Pilipinong manggagawa sa hongkong kay Pangulong Rodrigo Duterte.

Nangako anya ang Pangulo sa mga OFW sa Hong Kong na kakanselahin na ang OEC sa susunod na dalawa hanggang tatlong buwan.

Samantala, ibinalita rin ni Bello na bubuksan na sa loob ng taong ito ang OFW bank na ang tanging bibigyan ng serbisyo ay mga manggagawang Pilipino sa ibang bansa.

Undocumented OFWs in Middle East

Target ng DOLE na mapauwi na sa Hunyo ang lahat ng Pilipinong illegal na nagtatrabaho sa Gitnang Silangan.

Ayon kay Labor Secretary Silvestre Bello III, nasa tatlong libo (3,000) pa lamang ang nakakauwi sa bansa kasama na ang mahigit sa isandaan (100) na sumabay sa pag-uwi ng Pangulong Rodrigo Duterte nang magtungo ito sa Saudi Arabia.

Sa Hunyo nakatakdang magtapos ang syamnapung (90) araw na amnestiyang ipinagkakaloob ng kaharian ng Saudi Arabia sa mga dayuhang iligal na nagtatrabaho sa kaharian.

By Len Aguirre | Balitang Todong Lakas (Interview)

Pinawi ng House Committee on Justice ang pangamba na ma-railroad lamang ang impeachment case laban kay Pangulong Rodrigo Duterte.

Ayon kay Congressman Reynaldo Umali, Chairman ng Komite, bibigyan nila ng sapat na panahon si Magdalo Partylist Representative Gary Alejano para ipresinta at ipaliwanag ang mga alegasyon laban sa Pangulo na nakapaloob sa impeachment complaint.

Pagbobotohan sa komite kung sapat ang porma at sustansya ng impeachment case.

Sakaling lumusot ito sa dalawang panuntunan ay ilalatag ito sa plenaryo kung saan boboto ang mga kongresista kung pabor sila sa report ng komite.

Kaugnay nito ay tiniyak rin ni Umali na kanilang paglalaanan ng panahon ang impeachment complaint laban kay Pangulong Rodrigo Duterte na inihain ni Magdalo Representative Gary Alejano.

Ayon kay Umali, umaasa silang matatapos sa lalong madaling panahon ang mga pagdinig hinggil sa impeachment complaint, dahil marami silang mga gawain na mapipigil para mabigyang daan ito.

Hindi pa naman aniya nila iko-consolidate o pagsasamahin ang unang impeachment complaint at ang isinumiteng supplemental complaint laban sa Pangulo.

“Sa totoo lang ay naaantala yung agenda namin, oras po ang nawawala sa amin, kailangan namin gawin ito kaya gusto natin itong matapos sa lalong madaling panahon.” Pahayag ni Umali

By Len Aguirre | Katrina Valle | Karambola (Interview)

Ipinag-utos ng Sandiganbayan First Division ang paglipat kay Janet Lim Napoles sa Camp Bagong Diwa sa Taguig City.

Batay ito sa naging petisyon ng mga prosecutor ng Office of the Ombudsman na humahawak sa plunder cases ni Napoles sa Sandiganbayan.

Ang petisyon ay kasunod ng pagpapawalang sala ng Court of Appeals kay Napoles sa kasong serious illegal detention.

Kasabay nito ay ibinasura rin ng First Division ang kahilingan ni Napoles na ilipat siya sa kustodiya ng National Bureau of Investigation o NBI dahil may mga banta sa kanyang buhay.

Dalawang kahalintulad pang petisyon ang nakabinbin sa dalawa pang dibisyon ng Sandiganbayan kung saan may plunder cases si Napoles kayat hindi pa puwedeng ipatupad ang transfer order ng First Division.

By Len Aguirre | with report from Jill Resontoc (Patrol 7)

Aminado ang San Antonio Spurs na malaking kawalan ang pagkawala ni Kawhi Leonard kaya sila natalo ng Golden State Warriors sa iskor na 113-111.

Ito ay dahil a tinamong ankle injury ni Leonard sa natitirang pitong (7) minuto ng third quarter na sinamantala nang husto ng Warriors.

Sa kabila nito, tiniyak ni San Antonio Spurs Head Coach Greg Popovich na babawi sila laban sa Warriors.

Ang second game sa pagitan ng Spurs at Golden State ay gaganapin mismo sa homecourt.

By Ralph Obina

Nananatiling ligtas ang mga Pinoy sa Japan sa kabila ng nuclear threat mula sa North Korea.

Ayon sa embahada ng Pilipinas sa Japan, wala pa namang pangangailangan para ilikas ang mga Pinoy sa harap ng nagpapatuloy na missile testing ng NoKor.

Tiwala din ang mga embahada ng Pilipinas sa defense system na mayroon ang Japan.

Matatandaang kahapon nang muling magpakawala ng missile ang NoKor na bumagsak sa karagatang sakop ng Japan.

By Ralph Obina

Handang-handa na ang Iraqi Forces na lusubin at bawiin ang huling bahagi ng Mosul na kinokontrol ng Islamic State militants.

Ayon kay Brig. General Yahya Rasoul, wala nang siyam (9) na porsyento ang bahagi ng Mosul na hawak ISIS.

Kumpiyansa ang Iraqi forces na mababawi nila sa lalong madaling panahon ang natitirang bahagi ng Mosul.

Matatandaang dahil sa kaguluhan sa naturang lugar ay maraming residente nito ang lumikas sa takot na madamay sa karahasan.

By Ralph Obina