LATEST NEWS

Monthly Archives

June 2026

Ethics Complaint laban kay Sen. Sotto ibinalik sa legal counsel ng Senado

written by DWIZ 882

Ibinalik ni Senador Panfilo Lacson sa legal counsel ng Senado ang Ethics Complaint laban kay Senate Majority Leader Vicente “tito” Sotto III.

Paliwanag ni Lacson, ang reklamo kay Sotto ay bilang miyembro ng CA o Commission on Appointments kaugnay sa ‘na ano lang’ joke niya matapos malaman na single parent si DSWD Secretary Judy Taguiwalo.

Binigyang-diin ni Lacson na may sariling disciplinary mechanism ang CA at may posibilidad na labagin nila ito kapag nag-imbestiga ang Senate Ethics Committee.

Dagdag pa ni Lacson, hindi kailangang magbitiw ni Sotto bilang Chairman ng Ethics Committee hangga’t hindi malinaw ang hurisdiksyon ng reklamo laban sa kanya.

By: Meann Tanbio

May 16, 2017 0 comment

3 Kongresistang bumoto laban sa death penalty pinalitan ng committee chairmanship

written by DWIZ 882

Napalitan na ang tatlong chairman ng komite sa Kamara na natanggalan ng Chairmanship matapos bumoto laban sa death penalty bill ng administrasyong Duterte.

Nahalal si Lanao Del Sur Rep. Mauyag Papandayan jr. bilang bagong Chairman ng House Committee on Muslim Affairs, kapalit ni AMIN Partylist Rep. Sitti Djalia Turabin-Hataman na ngayon ay miyembro na lamang ng nasabing komite.

Itinalaga naman si LPGMA Partylist Rep. Arnel Ty bilang Chairman ng House Committee on Natural Resources kung saan pinalitan niya si Bayan Muna Rep. Carlos Zarate.

Samantala, pamumunuan naman ni Bagong Henerasyon Rep. Bernadette Herrera-Dy ang House Committee on Public Information, kapalit ni ACT Teachers Partylist Rep. Antonio Tinio

Sina Zarate at Tinio na kapwa miyembro ng Makabayan Bloc sa Kongreso, ay itinalaga bilang Senior Vice Chairpersons ng kinabibilangan nilang komite.

By: Meann Tanbio

May 16, 2017 0 comment

Pilipinas bibili ng mga armas mula sa China – Sec. Lorenzana

written by DWIZ 882

Kinumpirma ni Defense Secretary Delfin Lorenzana na bibili ang gobyerno ng mga armas sa China.

Ito’y matapos lagdaan ng Presidente ng China Poly Group Corporation na si Zhengao Zhang ang isang letter of intent to deal.

Gayunman, sinabi ni Lorenzana na wala pa sa pinirmahang letter of intent ang mga partikular na armas na bibilhin ng Pilipinas.

Wala rin aniyang problema kung manggagaling sa China ang mga armas ng AFP dahil pare-pareho lamang ang mga armas ngayon at maaari namang sundin ng Poly Technologies kung ano ang nais nilang specifications.

Ang Poly Technologies ay isa sa malaking firearms exporter firm ng China.

Kasabay nito, tiniyak ni Lorenzana na hindi makakaapekto sa training at doktrina ng sandatahang lakas ang pagbili ng armas sa China dahil kakaiba ang pagsasanay ng mga sundalong Pilipino sa training ng Chinese Forces.

By: Meann Tanbio

May 15, 2017 0 comment

Panukalang 10 taon validity ng passport lusot na sa Senado

written by DWIZ 882

Lusot na sa Senado ang panukalang batas na magpapalawig ng validity ng Philippine Passport sa sampung taon.

Labing walong senador ang bumoto ng yes, walang bumoto ng no, at walang nag-abstain kaya tuluyang lumusot ang Senate Bill Number 1365 o ang Philippine Passport Act.

Ang nabanggit na panukala ay iniakda nina Senate President Pro-Tempore Ralph Recto, Senators Juan Edgardo Angara, Alan Peter Cayetano, JV Ejercito, Richard Gordon, Loren Legarda, Joel Villanueva, Grace Poe at Cynthia Villar.

Kaugnay nito, sinabi ni Villar, Vice Chairperson ng Senate Committee on Foreign Relations, layon ng naturang panukalang batas na maging mabilis maka-biyahe abroad ang ating mga kababayan lalo na ang mga OFW’S.

By: Meann Tanbio / Cely Bueno

May 15, 2017 0 comment

Sen. Poe pinag iisipan pa kung ipapatawag si dating DOTC Sec. Mar Roxas hinggil sa MRT issue

written by DWIZ 882

Nagda-dalawang isip pa si Senate Committee on Public Services Chairperson Grace Poe kung ipatatawag sa susunod na pagdinig si dating DOTC Secretary Mar Roxas hinggil sa isyu ng MRT.

Sinabi ni Poe na sa ngayon ay hindi pa niya naiisip na ipatawag si Roxas dahil iniiwasan niyang isipin na ginagamit sa pamumulitika ang isinasagawang pagdinig ng komite.

Ipinabatid ni Poe na ang nais niyang mai-subpoena ay si Liberal Party Stalwart Marlo Dela Cruz.

Si Dela Cruz ang sinasabing incorporator ng tatlong kumpanya at nakuha niya ang kontrata para sa maintenance ng MR, ito ay ang PH Trams, APT Global at Busan Universal Rail Inc.

By: Meann Tanbio / Cely Bueno

May 15, 2017 0 comment

Magdalo Rep. Alejano planong magsampa ng reklamo sa ICC

written by DWIZ 882

Plano ni Magdalo Partylist Representative Gary Alejano na magsampa ng reklamo laban kay Pangulong Rodrigo Duterte sa ICC o International Criminal Court.

Ito’y matapos ibasura ng House Committee on Justice ang isinampa niyang impeachment laban sa Pangulo.

Sinabi sa DWIZ ni Alejano na kakausapin niya ukol sa bagay na ito ang kanyang mga kaalyado sa Magdalo.

Pakingan: Bahagi ng panayam kay Magdalo Partylist Representative Gary Alejano

Pagnagkataon, ito na ang ikalawang reklamo na ipadadala sa ICC laban kay Duterte kung saan ang una ay mula kay Atty. Jude Sabio, abogado ni self-confessed hitman at Davao Death Squad Member Edgar Matobato.

By: Meann Tanbio / BNSP

May 15, 2017 0 comment

Rep. Alejano kumbinsido na minadali ang pagbasura ng impeachment complaint

written by DWIZ 882

Kumbinsido si Magdalo Partylist Representative Gary Alejano na ni-railroad o minadali ang pagbasura sa inihain niyang impeachment complaint laban kay Pangulong Rodrigo Duterte.

Sa panayam ng programang “Balita Na, Serbisyo Pa”, sinabi ni Alejano na hindi siya nabigyan ng pagkakataon na ipaliwanag ang kanyang mga punto kung bakit siya naghain ng impeachment complaint laban sa Pangulo.

Pinilit aniya ng House Committee on Justice na desisyunan kung ang naturang reklamo ay sufficient in substance, gayong ang requirement lamang dito ay recital of facts.

Pakingan: Bahagi ng panayam kay Magdalo Partylist Representative Gary Alejano

Nagpaliwanag din si Alejano kung bakit hindi siya nagpasa ng authenticated documents sa kanyang reklamo.

Pakingan: Bahagi ng panayam kay Magdalo Partylist Representative Gary Alejano

Muli ring iginiit ni Alejano na mayroon siyang personal knowledge bilang complainant at hindi bilang testigo, lalo na sa mga isyung kinakaharap ng Pangulo partikular ang kampanya nito kontra iligal na droga.

Pakingan: Bahagi ng panayam kay Magdalo Partylist Representative Gary Alejano

By: Meann Tanbio / BNSP

May 15, 2017 0 comment

Kaso ng tanim droga pumalo na sa 30 – VACC

written by DWIZ 882

Pumalo na sa 30 ang kaso ng tanim droga sa hanay ng mga pulis sa bansa.

Ito ang ibinunyag ni Dante Jimenez, Chairman ng VACC o Volunteers Against Crime and Corruption

Sinabi ni Jimenez na patuloy nilang iniimbestigahan ang naturang bilang ng kaso kung saan karamihan sa mga ito ay nasa Metro Manila.

Idinagdag pa ni Jimenez na bagamat suportado ng VACC ang “war on drugs” ng administrasyong Duterte, umaasa aniya sila na ipagpapatuloy ng iba’t ibang law enforcement agencies ang cleansing laban sa mga pulis scalawags.

By: Meann Tanbio

May 15, 2017 0 comment

Babaeng binayaran umano para tumestigo laban sa Pangulo sumugod sa DOJ

written by DWIZ 882

Sumugod sa Department of Justice ang isang babae na umano’y binayaran ng kampo ni Senador Antonio Trillanes IV upang tumestigo laban kay Pangulong Rodrigo Duterte kaugnay ng DDS o Davao Death Squad.

Kasama ni Atty. Bruce Rivera sa tanggapan ni Justice Secretary Vitalliano Aguirre si Guillermina Arcilla kung saan kanyang inilahad sa kalihim ang kanyang sitwasyon sa ngayon at ang plano nitong paghahain ng reklamo laban kay Trillanes at sa iba pang taga-oposisyon.

Nabatid na tinanggihan ni Arcilla ang alok ni Aguirre na mapasailalim siya sa Witness Protection Program ng DOJ.

Si Arcilla ay sinasabing kasamahan nina Edgar Matobato at retired SPO3 Arthur Lascañas na umano’y inalok ng grupo ni Trillanes para idiin si Pangulong Duterte sa isyu ng DDS.

By: Meann Tanbio / Bert Mozo

May 15, 2017 0 comment

DOJ papalakasin ang cyber security measure panlaban sa global ransomware

written by DWIZ 882

Palalakasin ng Department of Justice ang Cyber Security Measures nito kasunod ng Global Ransomware Attack noong mga nakalipas na araw.

Inatasan na ni Justice Secretary Vitaliano Aguirre ang National Bureau of Investigation at Office of Cybercrime Department na mas lalong paigtingin ang Cyber Security Measures.

Ang kautusan ng kalihim ay kasunod na rin ng babala ng Department of Information and Communications Technology kaugnay ng ransomware attack sa ibayong dagat partikular na sa Russia at EU.

Kabilang sa mga bansa na apektado ng ransomware attack ang health system ng Britain, Interior Ministry ng Russia, Spanish Telecommunications Giant Telefonica, at U.S. Courier Firm Fedex.

By: Meann Tanbio / Bert Mozo

May 15, 2017 0 comment

Newer Posts

Older Posts