Janet Lim Napoles ipinalilipat na sa Camp Bagong Diwa

Ipinag-utos ng Sandiganbayan First Division ang paglipat kay Janet Lim Napoles sa Camp Bagong Diwa sa Taguig City.

Batay ito sa naging petisyon ng mga prosecutor ng Office of the Ombudsman na humahawak sa plunder cases ni Napoles sa Sandiganbayan.

Ang petisyon ay kasunod ng pagpapawalang sala ng Court of Appeals kay Napoles sa kasong serious illegal detention.

Kasabay nito ay ibinasura rin ng First Division ang kahilingan ni Napoles na ilipat siya sa kustodiya ng National Bureau of Investigation o NBI dahil may mga banta sa kanyang buhay.

Dalawang kahalintulad pang petisyon ang nakabinbin sa dalawa pang dibisyon ng Sandiganbayan kung saan may plunder cases si Napoles kayat hindi pa puwedeng ipatupad ang transfer order ng First Division.

By  Len Aguirre | with report from Jill Resontoc (Patrol 7)

Comments

comments