Aabot sa P6.2 million ng hinihinalang shabu ang nakumpiska ng mga otoridad sa isang drug suspect makaraang ikasa ang drug buy-bust operation sa Brgy. Pinagbuhatan, Pasig City.
Kinilala ang suspek na si Jhun Lawrence Lao, 18-anyos, isang newly identified na High Value Individual (HVI) matapos maaresto ng pinagsanib-puwersa ng mga tauhan ng Station Drug Enforcement Unit (SDEU); Tactical Motorcycle Riders Units (TMRU); Special Weapon and Tactics (SWAT); at ng Sub-Station 5 personnel.
Nakumpiska mula sa suspek ang buy-bust money na ginamit sa operasyon; isang kulay brown na pouch bag; digital weighing scale; 10 piraso ng knot tied transparent plastic sachet na naglalaman ng humigit kumulang sa 917 gramo ng shabu na may standard drug price na P6,235,600.
Nasa kustodiya na ng Pasig City Police Station ang suspek at nakatakdang sampahan ng kasong paglabag sa Republic Act 9165 o Comprehensive Dangerous Drugs Act of 2002.
