June 2026

Binigyan ng puwesto sa gobyerno ni Pangulong  Rodrigo Duterte  ang mga  kilalang  personalidad  at  mga  dating  pulitiko sa  mga nakalipas  na   administrasyon.

Kabilang sa mga ito ang negosyanteng si Dante  Ang na itinalagang Special Envoy of the  President  for  International Public  Relations sa  ilalim ng  Department  of  Foreign Affairs,  dating Senador Edgardo Angara bilang  Special Envoy of the  President to the European Union at Junn Magno bilang  member, Board of  Directors ng Philippine National Railways.

Nabigyan din ng puwesto sa  gobyerno si  Ranjit Shahani, dating Pangasinan Congressman at pamangkin ni dating Pangulong Fidel Ramos, bilang  member, Board  of  Directors  ng  Manila Economic  and  Cultural Office.

Si dating House  Speaker Jose de Venecia  Jr., hinirang bilang Special Envoy of the  President for APEC, taliwas  sa naunang  napaulat na Special Envoy for  Inter-Cultural Dialogue, habang si Brian Patrick Gordon, anak ni Senador Richard Gordon ay  Member, Board  of  Directors ng Subic Bay Metropolitan Authority.

Maging  ang kontrobersiyal na  pulis-Davao  na si Pol. Chief Supt. Vicente Danao Jr. ay itinalagang Commander  ng  National Anti-Illegal Drugs  Task Force, CIDG.

Matatandaang  si danao Ay nakunan ng  video  na  nag-viral sa  social media  habang  sinasaktan umano  ang kanyang asawa.

By: Meann Tanbio / Aileen Taliping

Kinumpirma ni PNP Chief Director General Ronald Dela Rosa na magbibigay ang China ng 23,000 mga bagong M4-rifles sa pambansang pulisya.

Gayunman, sinabi ni Dela Rosa na wala pa siyang pinipirmahang kasunduan hinggil dito.

Inaayos pa lang aniya ngayon ang mga dokumentong kailangan sa transaksyon kaya hindi pa rin tiyak kung kailan ito maipadadala sa Pilipinas.

Nilinaw naman ni DELA rosa na walang hininging kapalit ang China para sa ibibigay nilang mga libreng baril.

Samantala, umaasa si Dela Rosa na matutuloy ang pagbili ng Pilipinas ng 26,000 assault rifles mula sa Amerika.

Matatandaang itinigil ng state department ang proseso sa pagbili ng Pilipinas ng armas sa Amerika dahil sa umano’y extra judicial killings sa ilalim ng war on drugs ng administrasyong Duterte.

By: Meann Tanbio / Jonathan Andal

Pinamamadali ni PNP Chief Director General Ronald Dela Rosa sa PNP Internal Affairs Service ang proseso ng pagsibak sa bagitong pulis na nahulihan ng dalawang daang libong pisong shabu sa Teresa, Rizal.

Ginawa ni Dela Rosa ang pahayag matapos nitong harapin ang suspek na si PO1 Fernan Manimbo nang magtungo kahapon sa Teresa Rizal PNP.

Ayon kay Dela Rosa, hindi katanggap tanggap ang katwiran ni PO1 Manimbo na itinanim lang sa kanya ang droga.

Hinarap din ng PNP Chief ang mga pulis sa Teresa, Rizal at pinagsabihan na mahalin ang kanilang trabaho bilang pulis dahil ito ang bumubuhay sa kanilang pamilya.

By: Meann Tanbio / Jonathan Andal

Ipinagmalaki ng VACC o Volunteers Against Crime and Corruption na suportado ng mas maraming mambabatas ang impeachment complaint laban kay Ombudsman Conchita Carpio-Morales.

Sa isang press conference, sinabi ni Jacinto “jing” Paras, miyembro ng VACC legal team na hindi bababa sa 30 mambabatas ang pabor sa pag-impeach kay Morales.

Gayunman, tumanggi si Paras na pangalanan ang mga naturang mambabatas, alinsunod na rin sa kahilingan ng mga ito.

By: Meann Tanbio

Tuluyan nang namaalam sa mataas na kapulungan ng kongreso si dating senador ngayo’y bagong Department of Foreign Affairs o DFA Secretary Alan Peter Cayetano.

Sa kanyang farewell speech, pinasalamatan ni Cayetano ang kayang mga kapwa senador at staff sa ibinigay na suporta sa kanya.

Humingi rin siya ng paumanhin sa mga nakaalitan niya sa mga nangyaring debate sa senado.

Bilang bagong kalihim ng DFA, tiniyak ni Cayetano na tututukan niya ang kapakanan ng Overseas Filipino Workers (OFW).

“So, I don’t know the right words but this isn’t goodbye maybe for farewell in the meantime, but again, from the bottom of our hearts, from all the Cayetano’s, from my father, my sister, my mom, my wife, my brotehers, sister-in-laws, maraming maraming Salamat po sainyong lahat! We love you and Salamat po sa pagmamahal na binigay ninyo po sa amin. Lastly po, kung meron man akong nasaktan or na-personal sa mga debate, please accept my apologies, I don’t promise not to do it again but this time around I’ll do it as a diplomat so I’ll be much kinder but please also guide me and if I do it, it was not meant to hurt you but it was a spirit of crafting better laws or yung sa paghuhubog ng isang mas magandang Pilipinas. Again, thank you very much everyone! God Bless You! Salamat Mister President”, bahagi ng pahayag ni dating senador ngayo’y bagong DFA Secretary Alan Peter Cayetano.

By Meann Tanbio