Umabot na sa 49 na miyembro ng Abu Sayyaf Group ang napatay sa Sulu, tatlong buwan matapos ilunsad ang matinding kampanya laban sa mga ito.
Pinakahuling nadagdag sa listahan ang dalawang ASG member na nasawi sa bakbakan sa bayan ng Patikul.
Ayon kay Brig. Gen. Cirilito Sobejana, commander ng Joint Task Force Sulu, sinisikap nilang maubos ang Abu Sayyaf bago ang kanilang June 30 deadline.
Kung hindi man aniya ito mangyari, sigurado naman si Sobejana na pilay na sa panahong iyon ang mga bandido.
Sa ngayon, naglalaro na lang aniya sa 80 hanggang 120 ang bilang ng Abu Sayyaf fighters.
By: Meann Tanbio / Jonathan Andal