Monthly Archives

June 2026

HEADLINES

Pangulong Duterte biyaheng Russia na sa Lunes

written by DWIZ 882

Bibiyahe na patungong Russia si Pangulong Rodrigo Duterte sa Lunes para sa kanyang limang (5) araw na state visit sa naturang bansa.

Inaasahang makikipagpulong si Pangulong Duterte kina Russian President Vladimir Putin at Prime Minister Dmitry Medvedev.

Sinasabing lalagda ang Pangulo sa ilang bilateral agreement na sasaklaw sa defense and security, legal assistance, trade and investment at gayundin ang mapayapang paggamit ng nuclear energy.

Ayon kay Foreign Affairs Assistance Secretary Maria Cleofa Natividad, layon ng five-day visit ng Pangulo sa Russia na lalong patatagin ang ugnayan ng dalawang bansa.

Bukod sa mga kasunduang posibleng malagdaan sa pagpupulong, inaasahang makikipagkita rin ang Presidente sa limang libong (5,000) Pilipinong nagtatrabaho roon.

By Jelbert Perdez

May 20, 2017 0 comment

SPORTS

Malakas na koponan ng PH isasabak sa FIBA 3×3 World Cup

written by DWIZ 882

Malakas na koponan ang isasabak ng Pilipinas para sa FIBA 3×3 World Cup sa susunod na buwan.

Ito’y matapos isiwalat ng FIBA na makakasama ni Kobe Paras sina Kiefer Ravena, Jeron Teng at Raymar Jose sa torneo sa Nantes, France.

Matatandaang nakalaro na si Paras nang dalawang (2) beses sa World Cup at nanalo ng dalawang (2) gold medals sa slam-dunk contest.

Sina Ravena at Teng naman ay nakasalang na rin sa isang FIBA 3×3 All-Star Exhibition Game noong 2015.

Makakahanay ng Team Philippines ang dating FIBA 3×3 European Champions na Romania at Slovenia at gayundin ang France at El Salvador sa Pool B.

By Jelbert Perdez

May 20, 2017 0 comment

RONDA PROBINSYA

Alert status ng pulisya sa 3 bayan ng Laguna nakataas pa rin

written by DWIZ 882

Nakataas pa rin ang alerto sa pwersa ng pulisya sa tatlong bayan sa lalawigan ng Laguna matapos ang serye ng bakbakan sa pagitan ng tropa ng pamahalaan at mga rebelde na ikinasawi ng isang sundalo at ikinasugat ng labing dalawang (12) iba pa na kinabibilangan ng dalawang sibilyan.

Ayon kay Senior Insp. Romeo Manga, nananatiling mataas ang tensyon sa magkakalapit na bayan ng Luisiana, Cavinti at Majayjay sa Laguna at gayundin sa Lucban, Quezon makaraang tambangan ng mga rebelde ang dalawang sasakyan ng militar.

Sinabi ni Manga na isang landmine ang pinasabog ng mga kasapi ng New People’s Army o NPA sa kahabaan ng Cavinti-Luisiana kung saan nasawi sa pitong (7) oras na sagupaan si Private First Class Gregorio Maico.

Nasugatan naman sina PO1 Bong Hemor, PO1 Romelio Lamiseria, PO1 Richard Lumaban, PO1 Philip Tayaba at PO2 Aldrin Leonida ng Quezon Provincial Police Public Safety Company.

Kasama rin sa mga sugatan sina Sgts. Marvin Bagaboro, Zaldy Lebantino, Teejay Antonio at Jeff Ray Gatlabayan ng Army’s 202nd Infantry Battalion at Domingo Garcillas na miyembro ng CAFGU o Citizen Armed Forces Geographical Unit.

By Jelbert Perdez

May 20, 2017 0 comment

NATIONAL NEWS

Ipilan Nickel Corporation inatasang itigil na ang pamumutol ng mga puno

written by DWIZ 882

Inatasan ni Environment Secretary Roy Cimatu ang INC o Ipilan Nickel Corporation na itigil na ang pamumutol ng mga puno sa Brooke’s Point, Palawan.

Ang kautusan ay ipinalabas ni Mimaropa DENR Director Natividad Bernardino matapos inspeksiyunin ni Cimatu ang mining tenement ng kumpanya.

Giit ni Cimatu, sasampahan ng kaukulang kaso ng Department of Environment and Natural Resources o DENR ang naturang mining company.

Sinasabing sinuway ng INC ang naunang kautusan ni dating Environment Secretary Gina Lopez na nagsuspinde sa environmental compliance certificate ng kumpanya.

By Jelbert Perdez

May 20, 2017 0 comment

NATIONAL NEWS

3.5 kilo ng shabu natagpuan sa isang open parking sa Taguig City

written by DWIZ 882

Tinatayang tatlo punto limang (3.5) kilo ng hinihinalang shabu ang nakuha ng mga otoridad sa loob ng isang abandonadong sasakyan sa Taguig City.

Ayon kay Southern Police District Director, Sr. Supt. Tomas Apolinario, ang droga ay narekober ng pinagsanib na puwersa ng PNP-Drug Enforcement Group at Taguig City Police Station sa isang Mitsubishi Lancer vehicle.

Sinasabing natagpuan ito pasado ala-1:00 ng madaling araw sa open parking space ng Market-Market sa Bonifacio Global City ng naturang lungsod.

Tumambad ang ilang pakete na naglalaman ng umano’y high-grade shabu.

Nagpapatuloy ang imbestigasyon ng mga otoridad upang matukoy ang pagkakakilanlan ng may-ari ng nabanggit na sasakyan.

By Jelbert Perdez

May 20, 2017 0 comment

ENTERTAINMENT

Nadine Lustre nangunguna pa rin sa online poll ng 100 Sexiest Women in the World ng FHM PH

written by DWIZ 882

Tulad noong nakaraang taon, si Nadine Lustre pa rin ang nangunguna sa online poll para sa taunang “100 Sexiest Women in the World” ng FHM Philippines.

Nakabuntot naman sa bituin ng “On the Wings of Love” sina 2-time winner Angel Locsin at Actress Rhian Ramos.

Pang-apat si Jennylyn Mercado na nanalo noong 2015 habang pang-lima ang dating title holder na si Marian Rivera.

Pasok din sa Top 10 sina Anne Curtis, Angelica Panganiban, Toni Gonzaga, Bea Alonzo at Arci Muñoz.

Hindi naman nakasama sa initial list ang nanalo noong nakaraang taon na si Jessy Mendiola.

Ang FHM Philippines poll ay magtatapos sa Hunyo 1.

By Jelbert Perdez

May 20, 2017 0 comment

SPORTS

Barangay Ginebra pinadapa ng Rain or Shine sa nagpapatuloy na PBA Commissioners Cup

written by DWIZ 882

Pinadapa ng Rain or Shine ang Barangay Ginebra sa score na 118-112 sa kanilang bakbakan sa PBA Commissioner’s Cup sa Cuneta Astrodome noong Biyernes ng gabi.

Kumamada si James Yap ng 15 points habang nagdagdag si Duke Crews ng 28 points at 19 points naman mula kay Jericho Cruz sa panalo ng Elasto Painters.

Pagsapit ng ika-apat na quarter ay inabot ng tatlong minuto ang Rain or Shine bago nahabol ang sampung (10) puntos na kalamangan ng Ginebra at naipanalo ito sa dulo ng laro.

Samantala, naging maganda naman ang pagbabalik ni June Mar Fajardo sa San Miguel matapos ilampaso ng Beermen ang NLEX Road Warriors sa score na 114-108.

By Jelbert Perdez

May 20, 2017 0 comment

HEADLINES

NHA General Manager tinangka umanong magbitiw sa pwesto

written by DWIZ 882

NHA General Manager Marcelino Escalada Jr. and duterte

Ibinunyag ni Pangulong Rodrigo Duterte na tinangka ni National Housing Authority (NHA) General Manager Marcelino Escalada Jr. na magbitiw sa pwesto dahil sa kagustuhang mapalayo sa intriga.

Sa kabila nito, sinabi ni Pangulong Duterte na nakumbinsi niya si Escalada na manatili sa pwesto.

Bago ang kanyang appointment sa NHA, nagsilbi si Escalada bilang administrator ng Davao City.

Nanilbihan din si Escalada sa City Planning and Development Office, at City Cooperative and Development Office and Special Projects bilang Concurrent Capacity.

By Meann Tanbio

May 20, 2017 0 comment

NATIONAL NEWS

Operasyon ng 104 tiwaling kumpanya sinuspinde ng SEC

written by DWIZ 882

Sinuspinde ng SEC o Securities and Exchange Commission ang operasyon ng may 104 na tiwaling kumpanya na nagpapautang sa unang apat na buwan ng taon.

Bunsod nito, maaaring mabasura ang lisensya ng mga nasuspindeng kumpanya kung hindi sila mapapasama sa pag-alis ng suspension order sa Lunes, Mayo 22.

Ayon kay SEC Supervising Commissioner for Enforcement Emilio Aquino, magpapakalat sila ng enforcement team sa mga rehiyon bilang tanggapan nila sa mga lungsod ng Baguio, Tarlac, Legazpi, Cebu, Cagayan De Oro, Iloilo, Zamboanga at Davao.

Tiniyak ni Aquino na makikipag-ugnayan ang SEC sa NBI para sa epektibong kampanya at operasyon laban sa mga illegal lending operator at makasuhan ang mga ito sa ikalawang bahagi ng taon.

Nauna rito, sinimulan ng SEC ang pag-iimbestiga at paghahabol sa mga iligal ang operasyon sa pagpapautang na nagpapataw ng malaking interes.

By Meann Tanbio

May 20, 2017 0 comment

INTERNATIONAL NEWS

Suspected cases ng Ebola virus sa Congo sumampa na sa 29

written by DWIZ 882

Sumampa na sa dalawampu’t siyam (29) mula sa dalawampu’t isa (21) ang suspected cases ng Ebola sa bansang Congo.

Inihayag ito ni Christian Lindmeier, tagapagsalita ng World Health Organization (WHO) sa regular United Nations o UN briefing sa Geneva.

Wala pa namang napaulat na mayroon nang nasawi dahil sa Ebola outbreak sa Congo.

By Meann Tanbio

May 20, 2017 0 comment

Newer Posts

Older Posts