June 2026

May bago nang mamumuno bilang chairman ng MMDA o Metro Manila Development Authority sa katauhan ni Retired Army General Danilo Lim

Kinumpirma ni Executive Secretary Salvador Medialdea ang pagkakatalaga ni Pangulong Rodrigo Duterte kay Lim.

Gayunman, sinabi ni Medialdea na mananatili bilang General Manager ng nasabing ahensya si Tomas Orbos na nagsilbing OIC nito

Magugunitang naglingkod si Lim bilang deputy commissioner ng Bureau of Customs nuong 2013, sa ilalim ng administrasyon ni dating Pangulong Benigno Noynoy Aquino

Kabilang din si Lim sa mga kinasuhan ng rebelyon nuong 2007 bunsod ng standoff sa Manila Peninsula Hotel sa Makati City gayundin ay kabilang sa mga nag-aklas laban sa Administrasyong Arroyo nuong 2003 na tinaguriang Oakwood Mutiny.

By: Jaymark Dagala

Inalmahan ng operators ng mga pampublikong sasakyan ang panukalang paglalagay ng mga dash cam sa mga public utility vehicles, school bus at patrol cars.

Ayon sa operators dagdag gastos lamang sa kanila ang panukalang paglalagay ng dash cam na dapat maglagay ng mga dash cam bilang tulong sa pagresolba ng mga nagaganap na trapiko sa bansa.

Nilinaw naman ng LTFRB na dapat hindi hihigit sa 5 inch square area sa mga windshield para hindi ito lumabag sa anti distracted driving act.

By: Judith Larino

Niyanig ng magnitude 5.6 na lindol ang probinsya ng Bohol kaninang alas-9:00 ng umaga

Naramdaman ang intensity 1 sa Catbalogan, Samar at Borongan, Eastern Samar

Ayon sa PHIVOLCS o Philippine Institute of Volcanology and Seismology, naitala ang pagyanig dalawamput walong (28) kilometro, timog silangan ng bayan ng Lila.

Tectonic ang pinagmulan ng lindol na may lalim na limang daan at limamput isang (551) kilometro

Ayon sa ahensya, asahan na ang mga aftershocks kasunod nang nangyaring pagyanig

By Jonathan Andal

Pinakakasuhan na ng Manila Prosecutor’s Office ang naarestong suspek sa pagsabog sa Quiapo, Maynila sa kasagsagan ng ASEAN Summit noong April 28.

Ang suspek na si Abel Macaraya ay kakasuhan ng tatlong (3) counts ng frustrated murder at sampung (10) counts ng attempted murder.

Ayon kay Manila City Prosecutor Edward Togonon, walang inirekomendang piyansa ang piskalya para sa pansamantalang kalayaan ni Macaraya.

Kabilang sa mga ebidensyang iprinisinta ng MPD o Manila Police District laban kay Macaraya ang salaysay ng tatlong (3) testigo na nagsasabing nakita nilang iniwan ng suspek ang itim na bag na naglalaman ng improvised explosive device sa Soler Street, ilang sandali bago ito sumabog.

Bukod pa ito sa CCTV footage kung saan makikita na si Macaraya ay tumatakbo galing sa pinangyarihan ng pagsabog.

By Judith Estrada – Larino

Mahigpit na pag-aaralan ni incoming Department of Interior and Local Government o DILG Secretary Eduardo Año ang kampanya ng Philippine National Police (PNP) kontra iligal na droga.

Binigyang diin ni Año na nais niyang itaas ang morale ng mga pulis na binabatikos dahil sa isyu ng extra judicial killings o EJK’sna idinidikit umano sa war on drugs ng gobyernong Duterte.

Sinabi ni Año na mananatiling PDEA o Philippine Drug Enforcement Agency ang lead agency ng gobyerno laban sa iligal na droga.

Inamin ni Año na pawang maliliit lamang na pangalan ng mga sangkot sa illegal drugs ang nahuhuli ng PNP kaya’t puspusan ang dapat na maging pagkilos para mapanagot din ang malalaking isda sa illegal drug trade.

Nakatakda rin aniya siyang makipag pulong sa ilang local officials para kunin ang kanilang inputs sa ibat ibang isyu na nakapaloob sa local governance.

By Judith Estrada – Larino