Ipinapasara na ng MMDA ang dalawang bus terminals sa Quezon City dahil sa palyadong pasilidad ng mga ito.
Sa kaniyang sulat sa LTFRB inireklamo ni MMDA General Manager Tim Orbos ang terminals ng RORO bus Transport Services Incorporated sa South Road at Dimple Star Transport sa Main Avenue na kapwa nasa Brgy Bagong Lipunan ng Crame.
Sinabi ni Orbos na bigo ang parehong terminal na makapagbigay ng basic conveniences para sa mga pasaherong naghihintay makasakay at kabilang dito ang kawalan ng maayos na upuan, konkretong sahig at maayos na bubong.
Nilinaw naman ni Orbos na pansamantala lamang ang pagpapasara sa bus terminals hanggang makasunod ang operators nila sa mga requirements ng LTFRB kasabay ang babala sa iba pang pasaway at abusadong terminal operators.
By: Judith Larino
