June 2026

Binabantayan ngayon ng PAGASA ang isang Low Pressure Area sa silangan ng Batanes.

Ayon sa PAGASA, namataan ang sama ng panahon, 300 kilometro sa silangan ng bayan ng Basco.

Nakapaloob ito sa tinatawag na ‘frontal system’ na nakakaapekto naman sa hilagang Luzon at maaaring magdulot ng mahina hanggang katamtamang pag-ulan sa mga rehiyon ng Ilocos, Cagayan Valley, Cordillera at gitnang Luzon.

Iiral naman ang pulu-pulong pag-ulan at pagkulog-pagkidlat sa Metro Manila at nalalabing bahagi ng bansa.

Gayunman, sinabi ng PAGASA na mababa ang tsansang maging bagyo ang naturang LPA at posibleng lumabas na ito ng Philippine Area of Responsibility sa Lunes.

By: Meann Tanbio

Patay sa engkwentro ang isang hinihinalang miyembro ng NPA o New People’s Army sa bayan ng Bulalacao sa Oriental Mindoro, kaninang umaga.

Sa inisyal na imbestigasyon, nagsasagawa ng combat operations ang militar nang makasagupa ang sampung hinihinalang NPA fighters sa barangay Cambunang.

Agad na naglunsad ang mga otoidad ng hot pursuit operations laban sa mga naturang suspek.

Nangyari ang engkwentro, ilang araw bago ang pagsisimula ng peace talks sa pagitan ng gobyerno at National Democratic Front sa Netherlands sa susunod na linggo.

By: Meann Tanbio

Patay ang isang miyembro ng Abu Sayyaf Group, habang sumuko naman ang dalawang iba pa sa magkahiwalay na operasyon ng AFP Western Mindanao Command noong nakaraang linggo.

Kinilala ang nasawing ASG member na si “Imbo” sa nangyaring engkwentro noong Biyernes sa Bangalaw Island, Banguingui, Sulu.

Narekober mula kay Imbo ang isang M16 rifle, ammunition, isang sachet ng shabu at iba pa.

Samantala, dalawang bandido ang sumuko sa Lamitan City sa Basilan noong Huwebes.

Muli namang nanawagan si Wesmincom Chief Lt. Gen. Carlito Galvez sa Abu Sayyaf na ibaba na ang kanilang armas upang magtuluy tuloy na ang kapayapaan sa Mindanao.

By: Meann Tanbio

 Mahigit dalawang linggo bago ang pasukan, nagsimula nang sumipa ang presyo  ng ilang school supplies.

Batay sa monitoring ng DTI o Department of Trade and Industry,   kabilang sa mga    bahagyang  nagmahal ay ang ilang   brand  ng  kwaderno o notebook, papel,  crayon at ballpen.

Ipinabatid ng  DTI na asahang   susunod   din sa    pagtataas ng   presyo ang     iba pang brand   ng school  supplies    habang   papalapit ng   papalapit ang  pasukan sa Hunyo 5.

Samantala, tiniyak naman   ng    Philippine National  Police   na  handa na ang  kanilang mga  ilalatag na seguridad    para sa    pagbubukas  ng klase   sa susunod   na buwan.

By: Meann Tanbio / Ralph Obina

Pansamantalang   sususpendihin    ang  mga  flights    ng   PAL o Philippine Airlines na mula at patungong  Abu Dhabi  sa   hulyo.

Nabatid na magkakaroon ang PAL ng route assessment kung saan pag-aaralan    ang  rutang dinaraanan  ng kanilang mga    eroplano.

Bunsod nito, pinayuhan ng PAL ang  mga pasahero na nakakuha na  ng    ticket   na  may  biyaheng maynila  patungong  Abu  Dhabi at   abu Dhabi  pabalik ng Maynila  sa  Hulyo na magpa-rebook o  magpa-refund na lamang.

By: Meann Tanbio / Ralph Obina

Nakaumang ang oil price  hike sa loob ng linggong ito.

Ayon sa   energy sources,    maglalaro sa    60  sentimo hanggang   70 sentimo ang   magiging umento sa  kada litro ng      gasolina   habang      40 sentimo hanggang     50 sentimo naman  sa   Diesel.

Samantala,  posible namang magmahal ang kerosene ng   hanggang   70 sentimo hanggang walumpung 80 kada   litro.

Ang  naka-ambang oil price  hike    ay    bunsod umano ng paggalaw ng presyo  ng langis  sa  pandaigdigang merkado.

By: Meann Tanbio / Ralph Obina