June 2026

Pinasususpinde ni Senator JV Ejercito sa Department of Transportation o DOTr ang pagpapatupad ng Anti-Distracted Driving Act.

Ito, ayon kay Ejercito, ay hangga’t walang nailalatag na implementing rules and regulations na dahilan ng kalituhan ng mga motorista.

Tila hindi anya hindi naiintindihan ng Department of Transportation at Land Transportation Office o LTO ang nilalamang ng nasabing batas.

Iginiit ni Ejercito na dapat payagan ang mga cellphone para sa navigational purposes nito lalo’t malaking tulong ito sa mga motorista sa gitna ng nararanasang matinding daloy ng trapiko sa Metro Manila at mga karatig lugar.

Dagdag ng senador, dapat i-rekunsidera ng DOTr ang mga mahigpit na probisyon ng batas hinggil sa paglalagay ng cellphones sa line of sight ng mga driver.

By Drew Nacino | With Report from Cely Bueno

Opisyal ng pinalitan ng Malakanyang ang pangalan ng Benham Rise.

Sa inilabas na EO o Executive Order 25 ng Palasyo, ang Benham ay tatawagin na ngayong ‘Philippine Rise’.

Magugunitang inihayag ni Pangulong Rodrigo Duterte sa 120th Anniversary ng Philippine Army sa Fort Bonifacio, Taguig City na nais niyang palitan ang pangalan ng Benham Rise.

Ang nabanggit na undersea plateau na may lawak na tatlong ektarya ay matatagpuan, dalawandaang kilometro silangan ng Isabela.

Sinasabing mayaman sa oil deposits ang nabanggit na karagatan na nais ding patayuan  ni Pangulong Duterte sa Philippine Navy ng mga istruktura.

By Drew Nacino | With Report from Aileen Taliping

Patay ang isang opisyal ng Bangsamoro Islamic Freedom Fighters o BIFF sa operasyon ng militar sa Maguindanao.

Kinilala ang nasawing bandido na si Murad Ali alyas Kumander Abu Mohammad, estudyante ng BIFF bomb expert na si Basit Usman.

Ayon kay Maguindanao Police Provincial Director Senior Superintendent Agustin Tello, ni-raid ng militar at pulis ang pinagkukutaan ng suspek sa inilunsad nilang Oplan Paglalansag Omega sa Datu Odin, Sinsuat sa Maguindanao.

Narekober sa bahay ng napatay na miyembro ng BIFF ang Ingram machine pistol, granada, mortar at mga sangkap sa paggawa ng bomba.

By Ralph Obina

Nagbabala si Senador Panfilo Lacson sa patuloy na pakikipagkaibigan ng Pilipinas sa China.

Ayon kay Lacson walang kaibigan ang magbabanta ng giyera dahil ang pagkakaibigan ay nakabase sa kabutihan.

Binigyang diin ni Lacson na seryosong banta ito mula sa China at sang-ayon siya sa mungkahi ni Supreme Court Associate Justice Antonio Carpio na dapat idulog sa United Nations o UN ang naturang pagbabanta ng Beijing.

Matatandaang nagbanta si Chinese President Xi Jinping na mauuwi sa giyera kung patuloy na ipipilit ng Pilipinas ang arbitral ruling ukol sa mga pinag-aagawang teritoryo ng dalawang (2) bansa.

By Ralph Obina

Nakatakdang mag-isyu ng permit ang National Food Authority o NFA para sa pag-angkat ng dalawandaan at limampung libo (250,000) metriko tonelada ng bigas mula sa mga private traders kabilang ang sa Vietnam at Thailand.

Ayon sa NFA, posibleng ngayong linggo ay kanila nang i-anunsyo ukol sa bidding.

Ipinabatid ni NFA Spokesman Marietta Ablaza, ang mga kargamento ay dapat na dumating sa bansa bago mag Hulyo upang madagdagan ang stockpile ng ahensya bago ang lean harvest season.

By Ralph Obina