Home Monthly Archives
Monthly Archives

June 2026

ENTERTAINMENT

Megastar Sharon Cuneta balik trabaho na

written by DWIZ 882
sharon cuneta
Balik trabaho na si Megastar Sharon Cuneta.
Ito ay matapos ang kontrobersyal nitong bakasyon sa Estados Unidos.
Ngayong araw ay nagsimula na ang shoot para sa upcoming film na “Ang Pamilyang Hindi Lumuluha”.
Excited naman ang mga kasamahan sa pelikula ni Sharon na nagpost pa ng kanilang mga larawan habang ka-eksena ang Megastar.
Matatandaang iniuugnay ang pagbabakasyon sa abroad ni Sharon sa on the rocks umanong relasyon nito kay Senador Kiko Pangilinan na kanya namang mariing pinabulaanan.

By Ralph Obina

May 22, 2017 0 comment
0 Facebook Twitter Google + Pinterest
NATIONAL NEWS

Court of Appeals ibinasura ang petition for review na inihain ni ex-PNP chief Allan Purisima

written by DWIZ 882
Ibinasura ng Court of Appeals ang petition for review na inihain ni dating PNP chief Director General Allan Purisima.
Kinatigan ng appellate court ang pagsibak  sa gobyerno kay Purisima ng Office of the Ombudsman.
Nag-ugat ang dismissal order ng Ombudsman sa di umano’y pinasok na maanomalyang kontrata ni Purisima sa Werfast Documentary Agency, isang private courier firm.
Pinuna ng Ombudsman na walang maayos na procurement, accreditation at qualification process para sa deal ng PNP at Werfast at hindi rin rehistradong korporasyon ang Werfast nang selyuhan ang deal.
Matatandaan na sampu pang opisyal ng PNP ang kasama ni Purisima na nasibak sa tungkulin dahil sa anomalya.
By Len Aguirre
May 22, 2017 0 comment
0 Facebook Twitter Google + Pinterest
HEADLINES

LTFRB binigyang ultimatum ang mga motorista hinggil sa pagtatanggal ng mga borloloy na sagabal sa paningin ng tsuper

written by DWIZ 882
8
Nagbigay ng ultimatum ang LTFRB o Land Transportation Franchising and Regulatory Board sa lahat ng motorista para tanggalin ang lahat ng sagabal sa kanilang paningin habang nagmamaneho.
 Ayon kay Atty. Aileen Lizada, board member at spokesperson ng LTFRB, mayroong hanggang Biyernes, Mayo 26 ang lahat ng motorista dahil sa Lunes ay sisimulan na nila ang panghuhuli sa mga ito.
 Tinukoy ni Lizada ang rosaryo at iba pang borloloy na nakasabit sa harap ng sasakyan na sagabal sa light of sight ng driver.
Nilinaw ni Lizada na hindi ito bahagi ng anti-distracted driving law kundi bahagi ng JAO o Joint Administrative Order ng Land Transportation Office na noon pang 2014 pero hindi naipatutupad.
 “Yung iba kung gusto niyo, you just wind the rosary doon sa rear view mirror niyo but not hanging because it’s swinging. This has been a very sensitive issue kaya we are trying to explain our best, hindi naman namin sinasabi na tanggalin niyo ‘yung mga borloloy ng sasakyan niyo, hindi lang dapat nakakaharang sa line of sight.” paliwanag ni Lizada
By Len Aguirre
May 22, 2017 0 comment
0 Facebook Twitter Google + Pinterest
ENTERTAINMENT

Angel Locsin deserving para sa Hall of Fame ng FHM ayon kay Jessy Mendiola

written by DWIZ 882
angel
Tila on the defense mode si Jessy Mendiola sa mga batikos na hindi na nagpaloko ang mga Pilipino matapos niyang malaglag sa Top 10 ng 2017 FHM 100 sexiest women in the world.
 Ayon kay Jessy, nakapasok na siya noong isang taon at itinanghal na pinaka seksing Pinay sa FHM poll at iba naman aniya ang dapat na mabigyan ng chance sa nasabing kumpetisyon.
Kaugnay nito, parang may hugot din umano ang cryptic quotation na ipinost ni Jessy sa kaniyang Instagram account na:  “Don’t look back, you’re not going that way. ”
Dahil dito, may nagtanong na follower niya kung ano ang komento nito sa posibleng pagiging Hall of Famer ni Angel Locsin sa FHM men’s mag na sinagot ng girlfriend ni Luis Manzano na: “Okay lang, deserve naman niya ‘yun.”
Sa initial tally na ipinalabas ng FHM noong Biyernes, May 19, pumapangalawa si Angel sa 2017 FHM’s 100 sexiest women in the world poll habang wala nga o laglag sa top 10 si Jessy.
Sa June 1 pa naman matatapos ang botohan kaya’t uubra pa raw makapasok si Jessy kung magsisipag ang mga fans nito.
By Judith Estrada-Larino
May 22, 2017 0 comment
0 Facebook Twitter Google + Pinterest
SPORTS

Eight-time Grand Slam Champion Andre Agassi kukunin bilang coach ni Novak Djokovic

written by DWIZ 882
452818-andre-agassi-play-700
Kinumpirma ngayon ni Serbian tennis star Novak Djokovic na kukunin niya si eight-time Grand Slam champion Andre Agassi bilang coach para sa nalalapit na French Open.
Ito ay matapos ang masaklap niyang pagkatalo sa batang German na si Alexander Zverev sa finals ng Italian Open.
Ayon kay Djokovic, excited na siyang makatrabaho si Agassi.
Hindi naman binanggit ni Djokovic kung pangmatagalan na ba ang samahan ng dalawa bilang player at coach.
Matatandaang nitong buwan lamang ng kumalas si Djokovic sa long time coach nito na si Marian Vajda matapos ang mga magkakasunod niyang pagkatalo.
By Ralph Obina
May 22, 2017 0 comment
0 Facebook Twitter Google + Pinterest
HEADLINES

DFA Sec. Alan Cayetano umapela na magtiwala sa Pangulo hinggil sa ginagawang hakbang sa WPS

written by DWIZ 882
Umapela si Department of Foreign Affairs (DFA) secretary Alan Peter Cayetano sa sambayanang Pilipino na magtiwala sa Pangulong Rodrigo Duterte hinggil sa ginagawa nitong hakbang ukol sa West Philippine Sea at patuloy na pakikipagmabutihan sa China.
Ayon kay Cayetano, makailang beses nang nanindigan ang pangulo na bibigyang proteksyon nito ang territorial integrity ng bansa at naniniwala itong tutuparin ito ng punong ehekutibo.
Kasabay nito, nanawagan si Cayetano na bigyan ng laya at magtiwala lamang sa kung papaano ito isasakatuparan ng Pangulong Duterte.
Matatandaang binabatikos ang Pangulong Rodrigo Duterte dahil sa hindi nito paggiit sa ruling ng permanent court of arbitration.
Nilinaw ng pangulo na maliwanag sa China ang posisyon ng Pilipinas ngunit nagbanta aniya ang China na makikipagdigmaan kung patuloy na igigiit ng Pilipinas ang teritoryong inaangkin din ng Beijing.
By Ralph Obina
May 22, 2017 0 comment
0 Facebook Twitter Google + Pinterest
HEADLINES

Sen. De Lima humiling na suportahan ang kanyang petisyon na makadalo sa mga sesyon ng senado

written by DWIZ 882
Hiniling ni Senador Leila De Lima kay Senate President Aquilino Pimentel lll na suportahan ang petisyon niya sa Korte na payagan siyang makadalo sa mga sesyon ng senado upang makaboto sa mga importanteng panukalang batas.
Sa kanyang liham kay Pimentel, sinabi ni De Lima na ang paminsan minsang pagdalo sa sesyon na lamang ang pwede niyang gawin dahil may ruling na ang Korte Suprema laban sa mga mambabatas na makadalo sa lahat ng sesyon ng kongreso o kaya ay mailagay sa kustodiya ng kongreso.
Ayon kay De lima, hindi pa naman sya sentensyado kaya’t nananatili siyang isang senador na ibinoto ng labing apat na milyong Pilipino.
Idinagdag ni De Lima na hindi naman kalabisan ang hinihingi nya na paminsan minsang makalabas ng kanyang detention cell dahil pagboto sa mga importanteng panukalang batas ang kanyang layunin at hindi para dumalo sa birthday party o iba pang pesonal na kadahilanan.
By Len Aguirre
May 22, 2017 0 comment
0 Facebook Twitter Google + Pinterest
HEADLINES

Kaso vs. grupong nagsasagawa ng transport caravan bubuuin ng LTFRB

written by DWIZ 882
PISTON GROUP
Bubuo ng kaso ang LTFRB o Land Transportation Franchising and Regulatory Board laban sa transport groups na nagsasagawa ng transport caravan.
Ayon kay Atty. Aileen Lizada, board member at spokesperson ng LTFRB, nakabantay ang mga tauhan ng kanilang ahensya katulong ang Metrpolitan Manila Development Authority o MMDA upang makapangalap ng ebidensyang magpapatibay sa kaso laban sa Piston.
Sinabi ni Lizada na bagama’t ayaw tawaging transport strike ng Piston ang ginagawa nilang caravan, kahalintulad na rin ito ng tigil pasada dahil ibang ruta ang tinahak ng kanilang mga jeepney.
“Kung wala silang inaplayang special permit definitely po they will be out of line. The MMDA enforcers pati mga LTFRB enforcers, they are on the road kukunan lang po ng mga kailangan to build up cases po. ” pahayag ni Lizada
Iginiit ni Lizada na tanging ang Piston na lang ang natitirang transport group na tutol sa modernisasyon ng jeepney transportation sa bansa.
Maging ang Stop and Go anya na dating sumasama sa tigil pasada ay nalinawan na sa nais gawin ng pamahalaan para maisa-ayos ang public transportation.
“Makikita rin nila ang sincerity ng gobyerno kasi 21 government agencies all pulled together just for the public utility jeepeney (PUJ) para maitawid sila sa modernization program, never has been it done before. How can you not see the government in doing and extending all the sources para alalayan itong PUJ?. Definitely there is something wrong sa attitude. ” paliwanag ni Lizada
By Len Aguirre
May 22, 2017 0 comment
0 Facebook Twitter Google + Pinterest
HEADLINES

Pagtaas ng presyo ng mga school supplies sinisiyasat na ng DTI

written by DWIZ 882
Sinisiyasat na ng DTI o Department  of Trade and Industry ang pagtaas ng presyo ng mga school supplies.
Ayon kay Undersecretary Ted Pascua ng DTI, Abril pa lamang ay naglabas na sila ng SRP o Suggested Retail Price para sa mga pangunahing school supplies.
Kabilang anya sa mga school supplies na nagtaasan na ang presyo ay notebook at pad paper.
“Halos lahat kunyari sa notebook, mayroon talagang nagtaasan diyan, mayroon din namang nanatili lamang ang presyo. Mayroong malaki ang itinaas na presyo lalo na ‘yung mga branded products na school supplies.” pahayag ni Pascua
Kasabay nito, sinabi ni Pascua na hindi lamang presyo ang kanilang binabantayan kundi maging ang kalidad ng produkto.
Katulong rin anya nila ang FDA o Food and Drug administration para tiyaking walang mga nakakalasong kemikal ang ginamit na materyales sa paggawa ng mga school supplies.
By Len Aguirre

 

May 22, 2017 0 comment
0 Facebook Twitter Google + Pinterest
Newer Posts
Older Posts