Monthly Archives

June 2026

NBI report sa ‘talaba’ modus posibleng maisumite sa susunod na linggo

Humihingi pa ng karagdagang panahon ang National Bureau of Investigation o NBI.

Ito’y para imbestigahan pa ang umano’y mga naitatalang insidente ng tanim-laglag bala modus sa Ninoy Aquino International Airport o NAIA.

Ayon kay Justice Spokesman at Usec. Emmanuel Caparas, sinabi sa kaniya ni Task Force Talaba Chief Manuel Eduarte na kailangan pa kasi nilang kumpletuhin ang kanilang ulat at mangalap pa ng mga dagdag na ebidensya.

Dahil dito, sinabi ni Caparas na posibleng sa susunod na linggo pa maisusumite sa DOJ ang report ng NBI hinggil sa sinasabing modus sa mga paliparan.

By Jaymark Dagala

November 20, 2015 0 comment

HEADLINES

Tiyansang sumabak sa presidential race ni Duterte muling nabuhay

written by DWIZ 882

Lalo pang nabubuhay ang tiyansang sumabak na sa pampanguluhang halalan sa susunod na taon si Davao City Mayor Rodrigo Duterte.

Ito’y matapos ihayag ng alkalde ang kaniyang pagkadismaya sa naging pasya ng Senate Electoral Tribunal o SET na nagbabasura sa reklamong disqualification na inihain ni Rizalito David.

Ayon kay Mayor Digong, malinaw na kuwestyunable ang loyalty ni Senadora Poe dahil sa iniwan nito ang kaniyang pagka-Pilipino para manirahan sa Amerika kung saan, doon na siya nakabuo ng pamilya.

Dagdag pa ng alkalde, ayaw niya na magkaroon ng isang Amerikanong pangulo ang Pilipinas kaya’t mas nanaisin pa niyang sumabak sa pampanguluhang halalan kaysa mangyari pa ito.

By Jaymark Dagala

November 20, 2015 0 comment

INTERNATIONAL NEWS

US led coalition naglunsad ng higit 20 airstrikes vs ISIS

written by DWIZ 882

Naglunsad ng 27 airstrikes ang US-led coalition laban sa ISIS sa Syria at Iraq.

Sinasabing limang tactical units ng teroristang grupo ang nagiba, limang gusali, at isang oil separation unit sa Syria.

Labing dalawa (12) ring yunit, limang sasakyan, at 23 lungga naman ng ISIS ang nawasak sa mga pambobomba ng koalisyon sa Iraq.

Matatandaang noong Agosto pa ng nakaraang taon sinimulan ng US-led coalition ang mga pag-atake sa mga pinaniniwalaang kuta ng ISIS.

By Jelbert Perdez

November 20, 2015 0 comment

HEADLINES

Pilipinas binansagang ‘best APEC host’

written by DWIZ 882

Best APEC host ang Pilipinas.

Ito umano ang komento ng mga delegado ng katatapos na APEC Summit sa PICC sa Maynila.

Ayon kay Philippine National Police (PNP) Chief Director General Ricardo Marquez, ilan sa mga bisita ay nag-iwan ng “note” at nagsabing ito ang “best APEC hosting” na kanilang naranasan.

Sinabi ni Marquez na humanga ang mga APEC delegates sa hospitality ng mga Pinoy at sa mainit na pagtanggap sa kanila.

Katunayan, gusto rin umanong bumalik ng mga ito sa Pilipinas para magbakasyon.

By Jelbert Perdez | Jonathan Andal

Photo Credit: Malacanang Photo Bureau

November 20, 2015 0 comment

NATIONAL NEWS

US President Obama nakaalis na ng bansa matapos dumalo sa APEC Summit

written by DWIZ 882

Tumulak na patungong Malaysia si US President Barack Obama matapos ang makasaysayan nitong pagdalo sa APEC Summit sa Maynila.

Si Obama ay hinatid patungo sa Air Force One ni Defense Secretary Voltaire Gazmin bago kinawayan ang mga opisyal.

Pasado alas-12 ng tanghali nang umalis ang sinasakyang eroplano ng US President kung saan nakatakda naman itong dumalo sa ASEAN-US Summit sa Kuala Lumpur.

Matatandaan na nagpahayag si Obama para sa lalo pang pagpapaigting sa ugnayang militar ng Pilipinas at Estados Unidos na makatutulong sa pagdepensa sa mga teritoryo ng bansa.

Dinalaw din ni Obama ang BRP Gregorio del Pilar na flag-carrier ng Pilipinas sa maritime warfare habang nangako itong magbibigay pa ng mga dagdag na barkong pandigma.

By Jelbert Perdez | Raoul Esperas (Patrol 45)

Photo Credit: US Embassy Manila

November 20, 2015 0 comment

SPORTS

Mahindra consultant Joe Lipa pinasususpinde na ng PBA

written by DWIZ 882

Ipinag-utos ng Philippine Basketball Association (PBA) ang pagsuspinde kay Mahindra consultant Joe Lipa dahil sa kabiguan nitong magpaliwanag hinggil sa reaksyon niya sa komento ni Commissioner Chito Narvasa tungkol kay Manny Pacquiao.

Si Lipa ay nakatanggap ng mandatory summon mula sa PBA matapos idepensa si Pacquiao laban sa iginiit ni Narvasa na mas mahusay si Pacquiao bilang boxer at hindi bilang basketbolista.

Una nang ikinunsidera ng dating national team coach ang statement ni Narvasa bilang pang-iinsulto sa Pambansang Kamao na ikinagalit umano ng opisyal.

Sinasabing hindi maaaring dumalo si Lipa sa alinmang laro sa PBA hangga’t hindi ito nakapagbibigay ng paliwanag sa naturang usapin.

By Jelbert Perdez

November 20, 2015 0 comment

HEADLINES

Pre-trial hearing sa mga kaso vs Revilla, Cambe at Napoles itinakda na

written by DWIZ 882

Papaspasan na ng Sandiganbayan First Division ang pagdinig sa mga kasong kinahaharap nila Senador Bong Revilla, Richard Cambe at Janet Lim – Napoles.

Ito’y ayon kay Presiding Judge Efren dela Cruz ay upang huwag nang abutin pa ng May 2016 presidential elections ang mga kasong plunder at graft na isinampa laban sa mga akusado sa pork barrel scam.

Dahil dito, itinakda na ng korte sa March 7 ng susunod na taon ang pre-trial hearing sa graft case ngunit sisimulan muna ito ng prelimenary hearings na magsisimula naman sa lahat ng Lunes mula sa susunod na linggo.

Bukod pa ito sa plunder case ng mga nabanggit na hindi na ikinonsolidate pa ng Anti-Graft Court.

By Jaymark Dagala | Jill Resontoc (Patrol 7)

November 20, 2015 0 comment

NATIONAL NEWS

Canadian PM natuwa sa kanyang pagbisita sa Pilipinas

written by DWIZ 882

Ikinatuwa ni Canadian Prime Minister Justine Trudeau ang kanyang naging pagbisita sa bansa bilang pagdalo sa katatapos pa lamang na APEC Summit.

Sinabi ng Canadian Prime Minister na kaniya nang naranasan ang kulturang Pinoy na nakilala niya sa mahigit 700,000 mga Pilipino na nakabase sa kanilang bansa.

Para kay Trudeau, isang magandang bansa ang Pilipinas at masaya siyang nakabisita rito kung saan, kaniya ring ikinamangha ang bansag sa kaniya ng maraming Pilipino bilang APEC hottie.

Bilang anak aniya ng dating Prime Minister ng Canada, natutunan niyang paghiwalayin ang mga komento positibo man o negatibo sa kaniyang pagkatao.

Dahil din sa mga papuring ito ani Trudeau ay napansin ang Canada sa ginawang APEC Summit kaya’t lalo niyang paiigtingin ang pagtutok sa kaniyang tungkulin.

By Jaymark Dagala | Jonathan Andal

November 20, 2015 0 comment

NATIONAL NEWS

Mga pangako sa APEC inaasahang matutupad

written by DWIZ 882

Umaasa ang ilang senador na hindi lamang mapapako sa pangako ang lahat ng mga napag-usapan sa katatapos pa lamang na APEC Summit.

Kapwa inihayag nila Senadora Loren Legarda at Sonny Angara na dapat totohanin at tuparin ang mga naging kasunduan tulad ng pagsugpo sa terorismo gayundin ang pangakong pagtutulungan ng mga malalaki at maliliit na mamumuhunan.

Sa panig ni Legarda, sinabi nito na sa mga susunod na taon pa mararamdaman ang pangmatagalang epekto ng ginawang APEC ngayong taon.

Para naman masulit ang malaking gastos ng gobyerno sa nasabing pulong, sinabi ni Angara na mahalagang maipagpatuloy ang mga nasimulan ng administrasyon sa pagpapalago ng ekonomiya at pagpapabuti ng business environement sa bansa.

By Jaymark Dagala | Cely Bueno (Patrol 19)

November 20, 2015 0 comment

NATIONAL NEWS

Kampo ni Poe kay Rizalito David: Mag-move on na lang

written by DWIZ 882

Pinayuhan ng kampo ni Senadora Grace Poe si Rizalito David na mag-move on na lamang sa kanyang mga alegasyon.

Kasunod ito ng patuloy na pagbatikos ni David sa naging pasya ng Senate Electoral Tribunal (SET) na nagbabasura sa kaniyang reklamong disqualification laban sa senadora.

Ayon kay Atty. George Garcia, abogado ni Poe, dapat ituon na lamang ni David ang kaniyang pansin sa paghahanap ng ebidensyang makapagpapatunay na hindi natural born citizen ng bansa ang senadora.

Malinaw naman aniyang mali ang mga ipinapayo kay David sa pagsasabing pulitika ang naging desisyon ng set gayung ibinatay ito ng mga miyembro sa umiiral na batas.

Giit nito, malinaw naman aniyang wala naman talagang pinanghahawakang katunayan si David para mapatunayan ang mga paratang nito laban sa senadora.

By Jaymark Dagala | Jonathan Andal

November 20, 2015 0 comment

Newer Posts

Older Posts