15-48-31-04-43-13 (No Winner)
In any order
Jackpot Prize: Php 50 Million
07-37-09-35-01-30 (No Winner)
In any order
Jackpot Prize: Php 137,888,164.00
Muli na namang nagpatupad ng Oplan Galugad sa New Bilibid Prison (NBP) ngayong araw.
Nakumpiska sa ginawang inspeksyon ang mga signal booster, isang remote control top helicopter, isang revolver at television set.
Ito na ang ikaapat na pagkakataon na isinagawa ito ng Bureau of Corrections sa nasabing kulungan ngayong buwan.
Una nang nakarekober sa lugar ng mga baril, bala, cellphones at sex toys.
By Rianne Briones
Patuloy na umaasa ang mga pamilya ng biktima ng Maguindanao massacre na makakamit pa rin nila ang hustisya para sa kanilang pinatay na kaanak.
Sa Lunes kasi, Nobyembre 23 ay gugunitain ang ika-6 na taong anibersaryo ng masaker.
Sinabi ni Emily Lopez, Pangulo ng Justice Now Movement na hanggang sa ngayon ay positibo sila na mahahatulan ang mga Ampatuan bago aniya bumaba sa puwesto si Pangulong Noynoy Aquino sa susunod na taon.
Nanindigan si Lopez na hindi dapat hinihiling ang hustisya para sa kanilang nasawing mahal sa buhay, kundi ipinaglalaban.
By Allan Francisco
Inaalam na ng Department of Foreign Affairs o DFA kung may nadamay na Pinoy sa krisis na naganap sa Bamako, ang kabisera ng bansang mali.
Kaugnay ito ng walang habas na pamamaril kahapon sa isang hotel kung saan nagpupulong ang mga diplomat.
Ayon sa DFA, patuloy ang kanilang pakikipag-ugnayan sa mga otoridad sa Mali upang malaman ang kalagayan ng ating mga kababayan doon.
Batay sa datos ng pamahalaan, nasa 100 OFW’s ang nagtatrabaho at nakabase sa Mali.
Una nang inako ng grupong may kaugnayan sa Al Qaeda ang krimen na nag-iwan ng mahigit sa 20 kataong patay.
By Allan Francisco
Humingi ng paumahin si Kris Aquino sa kanyang Instagram post kamakailan na ikinagalit ng maraming netizens.
Kaugnay ito sa kanyang post na nagka-sunburn sya sa pagdalo sa APEC events dahil dito ay patas na aniya sila ng mga taong naabala dahil sa mga trapik at mga saradong daan.
Sa kanyang bagong post ay inamin na Kris na spoiled at insensitive ang kanyang ginawa.
Natuto na aniya sya ang nangyari at sa susunod ay ipapaubaya na lamang siya ang ganung mga joke sa kanyang kaibigang si Vice Ganda.
By Rianne Briones
Tatangkain ng Meralco Bolts na masungkit ang kauna-unahan nitong panalo sa PBA Cup sa nakatakda nitong pakikipagtuos sa Star Hotshots.
Magsasagupa ang Bolts at Star pasado alas-5:00 mamayang hapon sa Cuneta Astrodome.
Magaganap ang laro ng 2 koponan pagkatapos ng laban sa pagitan ng Rain or Shine Elasto Painters at Blackwater Elite dakong alas-3:00 mamaya pa rin ng hapon.
Kailangan ng Bolts ng isang panalo dahil ayaw nitong mapaaga ang kanilang bakasyon lalo pa’t wala pa itong naipanalo sa limang laro sa kasalukuyang PBA Cup.
By Jelbert Perdez
Umakyat na sa 27 ang nasawi sa pagtatapos ng siege sa Bamaka, Mali.
Sinabi ni United Nations Mission spokesman Oliver Salgado, kasama dito ay ang 2 miyembro ng extremist group na pumasok sa Radisson Blu Hotel.
Kinailangan ng tulong ng special forces ng Amerika at France bago tuluyang napasok at nasiguradong ligtas ang mga biktima.
Matatandaang pinasok ng mga armadong lalaki ang hotel at hinostage ang mga bisita sa hotel na karamihan ay mga dayuhan.
By Rianne Briones
Patay ang 2 katao habang sugatan naman ang isang kapitan ng barangay matapos pagbabarilin ng dalawang di-kilalang lalaki sa Zamboanga Sibugay.
Dead on the spot bunsod ng tama ng bala sa iba’t ibang parte ng katawan sina Purok President Jose Rios Samosa at Margarita Rupenta Banguanga.
Ginagamot naman sa Zamboanga City hospital si barangay captain Carmelo Banguanga.
Ayon kay Provincial Police Director Chief Supt. Miguel Antonio Jr., naganap ang pamamaril kagabi sa Barangay Cayamcam, Tungawan, Zamboanga Sibugay.
Iniimbestigahan pa rin ng mga otoridad ang naturang insidente.
By Jelbert Perdez
Sumampa na sa ika-11 puwesto ang Pilipinas sa terrorism index.
Ibig sabihin, isa ito sa mga bansa sa buong mundo na apektado ng mga nagaganap na terorismo.
Ayon sa Global Terrorism Index na isinagawa ng Institute for Economic and Peace para sa taong 2015, bahagya umanong gumanda ang rekord ng bansa mula sa ika-9 na puwesto nito sa 2014 index.
Sinasabing pumalo na sa mahigit 300 insidente na may kaugnayan sa terorismo ang naganap sa Pilipinas kung saan mahigit 200 ang nasawi at mahigit 300 naman ang nasugatan.
Subalit, partikular namang tinukoy sa terrorism index ang grupong New People’s Army o NPA bilang isa sa mga responsable sa mga nagaganap na terorismo sa bansa.
By Jelbert Perdez