Monthly Archives

June 2026

Kiefer Ravena magpapahinga muna bago sumabak sa PBA

Magpapahinga muna si Kiefer Ravena bago siya sumabak sa Philippine Basketball Association o PBA.

Ito ang inihayag ng back to back most valuable player ng Ateneo, sa harap na rin ng nakatakda niyang pamamaalam sa Ateneo Blue Eagles basketball team sa pagatatapos ng kanyang senior year sa unibersidad.

Ayon kay Ravena, ang taong ito ang pinaka espesyal sa kanya dahil na rin sa mga hirap na naranasan ng kanilang koponan sa loob at labas ng court.

Dahil anya dito, lalo pang lumakas at nagkaisa ang kanilang team. Inihalintulad pa ng celebrity player ng Ateneo sa roller coaster ang kanyang 5 taon sa unibersidad.

Kagabi, sa huling laban ni Ravena kasama ang mga player ng Ateneo Blue Eagles, natalo ang kanilang koponan laban sa Far Eastern University sa score na 76-74.

By: Jonathan Andal

November 22, 2015 0 comment

ENTERTAINMENT

Sam Smith nangakong babalik sa Pilipinas matapos ang kanyang concert

written by DWIZ 882

Nangako si Grammy Winning singer na si Sam Smith na babalik siya sa Pilipinas matapos ang kanyang concert kagabi sa Mall of Asia Arena.

Ayon kay Sam, hindi niya inaasahan na magiging ganoon kainit ang pagtanggap sa kanya ng kanyang Filipino fans. Kaya naman, sisikapin niya anyang makabalik muli kapag ni-launch na ang kaniyang second album.

Kagabi higit 10,00 katao ang dumalo sa one-night-only concert ni Sam Smith kung saan higit 1 oras nag-perform ang singer.

Samantala, pinagkaguluhan naman si Maine Mendoza alyas Yaya Dub na nanuod din ng concert ni Sam Smith kagabi.

Ayon sa ulat ng Pep.ph, hindi magkamayaw ang mga tao na gustong makapag pa selfie kay Yaya dub matapos ang concert.

Inihayag naman ni Maine sa kanyang twitter account na nag enjoy siya sa concert ni Sam Smith.

By: Jonathan Andal

November 22, 2015 0 comment

NATIONAL NEWS

9 na taong gulang na bata patay matapos mabagsakan ng riprap sa Rizal

written by DWIZ 882

Patay ang ang isang 9 na taong gulang na batang babae nang mabagsakan ng riprap sa Antipolo City, Rizal kahapon.

Nakilala ang biktima na si Erica Paclibar, residente ng Sitio Kasapi, Brgy Bagong Nayon, Antipolo City.

Ayon sa magulang ng bata, nagpapakain ng mga manok si Erika nang mag collapse ang riprap malapit sa kanilang bahay dakong 5:00 ng hapon.

Narekober ang bangkay ng bata matapos ang 6 na oras na retrieval operations.

Isinisisi naman ng magulang ng bata sa road-widening project sa kanilang lugar kayat gumuho ang nasabing riprap.

7 bahay ang nasira dahil sa pag-collapse ng riprap, habang 8 pamilya naman ang apektado.

By: Jonathan Andal

November 22, 2015 0 comment

INTERNATIONAL NEWS

Global cooperation laban sa terorismo iginiit ni Russian Pres. Vladimir Putin

written by DWIZ 882

Dapat ng magkaroon ng global cooperation laban sa terorismo.

Ito ang iginiit ni Russian President Vladimir Putin matapos makumpirmang 6 na Russo ang kabilang sa 20 patay sa pamamaril ng terror group na Boko Haram, sa bansang Mali.

Ayon kay Putin, ang pag-atake sa Mali at Paris, France ay indikasyon na wala ng kinikilalang bansa na pupuntiryahin ang mga terorista na itinuturing ng “salot sa buong mundo” na dapat puksain.

Pawang staff ng Volga-Dnepr Freight Airline ang 6 na Russian na nasawi sa pag-atake at hostage taking na naganap sa hotel sa kabisera na Bamako.

By: Drew Nacino

November 22, 2015 0 comment

NATIONAL NEWS

Panibagong bagyo inaasahang papasok sa bansa mamayang gabi

written by DWIZ 882

Inaasahang papasok sa Philippine Area of Responsibility mamayang gabi o bukas ang bagyong may international name na In-Fa.

Huling namataan ng PAGASA ang bagyo sa layong 1,670 kilometro, Silangan ng Samar.

Taglay ng naturang sama ng panahon ang lakas ng hangin na aabot sa 175 kilometers per hour at pagbugso na aabot sa 210 kilometers per hour.

Kumikilos ang bagyo pa-Kanluran Hilagang-Kanluran, sa bilis na 25 kilometro kada oras.

Samantala, apektado naman ng Inter-Tropical Convergence zone ang Mindanao.

Sa oras na pumasok sa Philippine Area of Responsibility ang bagyo, tatawigin itong Marilyn.

By: Drew Nacino

November 22, 2015 0 comment

HEADLINES

VP Binay binanatan ang gobyerno dahil sa matinding trapik na naidulot ng APEC

written by DWIZ 882

Muling bumanat sa gobyerno si Vice President Jejomar Binay sa perwisyong idinulot sa mga mananakay ng Asia Pacific Economic Cooperationmeeting sa Metro Manila.

Ayon kay Binay, nakatutuwa at nagkaroon ng APEC meeting sa Pilipinas ngunit nakalulungkot naman na tila mukhang hindi tama ang preparasyon dahil marami ang naapektuhan habang ang iba ay napaanak bunsod ng matinding traffic.

Ikinatuwiran ng pangalawang pangulo na bagaman dapat pairalin ang “Filipino hospitality” para sa mga bisitang foreign delegate, hindi naman tamang isantabi na lamang ang kapakanan ng mga mamamayan.

Magugunitang marami ang naglakad bunsod ng mga saradong kalsada malapit sa mga APEC venue partikular sa Pasay at Parañaque cities.

By: Drew Nacino

November 22, 2015 0 comment

HEADLINES

US Pres. Obama nanawagan na itigil ang pagtatayo ng artificial islands sa South China Sea

written by DWIZ 882

Muling hinimok ni U.S. President Barack Obama ang mga claimant ng Spratly Islands na ihinto muna ang pagtatayo ng mga artipisyal na isla at militarisyon sa South China Sea.

Ito ang inihayag ni Obama sa kanyang pagdalo sa Association of South East Asian Nations o ASEAN summit sa Kuala Lumpur, Malaysia.

Ayon kay Obama, dapat munang isantabi ang pagpapatayo ng mga artificial islands para sa regional stability sa Asya, pairalin ang freedom of navigation at i-respeto ang hakbang ng U.N. artbitral court upang maresolba ang issue.

Samantala, nagkasundo ang mga ASEAN member na dapat ayusin sa mapayapang paraan ang territorial dispute alinsunod sa declaration on the conduct of parties in South China Sea.

Magugunitang tumanggi ang China na pag-usapan sa asean summit sa malaysia ang territorial dispute maging sa Asia pcific Economic Cooperation summit na idinaos naman sa Pilipinas.

By: Drew Nacino

November 22, 2015 0 comment

HEADLINES

Death penalty para sa foreign drug traffickers isinusulong

written by DWIZ 882

Ipinasa at inendorso na ng House Committee on Dangerous Drugs para sa plenary approval ang bill na naglalayong patawan ng mas mabigat na parusa kabilang ang kamatayan sa mga dayuhang napatunayang guilty sa drug-related activities sa bansa.

Inaprubahan sa pangunguna ni Committee Chairman at Iligan City Rep. Vicente Belmonte junior ang house bill 1213 na ini-akda naman nina Cagayan de Oro City Rep. Rufus Rodriguez at Abante Mindanao Party-list Rep. Maximo Rodriguez Junior.

Noon pang 15^th Congress isinulong nina Rodriguez ang naturang panukala kung saan umabot na ito sa final reading subalit inisnab ng Senado.

Dapat lamang anilang maging patas ang parusa sa mga dayuhan na nasa Pilipinas lalo’t marami na ring mga Filipino ang binitay sa ibang bansa dahil din sa iligal na droga.

Dahil sa ban sa death penalty, tila dumami ang mga dayuhang nangahasa na magtayo ng mga drug factories in sa Pilipinas ngunit kapag nahuli ay hindi naman napaparusahan ng mabigat at tanging habang buhay na pagkaka-kulong ang kadalasang hatol.

By: Drew Nacino

November 22, 2015 0 comment

HEADLINES

Grupong Bayan Muna dismayado sa usad pagong na kaso ng Maguindanao Massacre

written by DWIZ 882

Hindi pa rin kuntento ang mga militanteng mambabatas sa usad-pagong na pagbibigay katarungan sa 58 biktima ng Maguindanao Massacre.

Ayon kina Bayan Muna Representatives Neri Colmenares at Carlos Zarate, naniniwala sila na mailap pa rin ang hustisya para sa mga biktima at nagpapatuloy ang paghahari ng “state of impunity” o special treatment sa bansa.

Nakapagtataka anilang nakagagamit pa ng mga legal remedy ang pamilya Ampatuan na upang i-repaso ang kaso mula sa Department of Justice, Court of Appeals hanggang Supreme Court.

Iginiit nina Colmenares at Zarate na hindi nila mabatid kung bakit tila inaamag ang kaso gayong umaapaw na sa ebidensya na magdidiin sa mga akusado.

Umaasa naman ang dalawang kongresista na makakamtan din ng mga biktima at kanilang pamilya ang katarungan sa lalong madaling panahon.

By: Drew Nacino

November 22, 2015 0 comment

HEADLINES

Mayor Rodrigo Duterte handa nang tumakbo sa pagka-pangulo sa 2016

written by DWIZ 882

Handa nang tumakbo si Davao City Mayor Rodrigo Duterte sa pagka-pangulo sa 2016 elections.

Ito ang inihayag ni Duterte nang dumalo sa birthday celebration ng kanyang kaklase sa law school sa Dasmariñas, Cavite, kagabi.

Ayon kay Digong, ang nagpabago sa kanyang isip ay ang desisyon ng Senate Electoral Tribunal na nagbabasura sa disqualification case na kumukuwestyon sa citizenship ni Senador Grace Poe na inakusahang hindi umano natural-born Filipino.

Iginiit ng alkalde na tanging ang tunay na Filipino ang dapat mahalal sa pinaka-mataas na posisyon at hindi katanggap-tanggap ang isang Amerikanong pangulo.

Gayunman, inamin ni Duterte na kailangan pa niyang kausapin ang mga miyembro ng PDP Laban sa pangunguna ni Senador Koko Pimentel hinggil sa kanyang desisyon.

By: Drew Nacino

November 22, 2015 0 comment

Newer Posts

Older Posts