June 2026

Samut saring komento mula sa mga netizen ang lumabas sa social media, ilang oras matapos ianunsyo ni Davao City Mayor Rodrigo duterte ang kanyang planong pagtakbo sa 2016 elections bilang pangulo.

Ilan sa mga taga suporta ni duterte ang nagbunyi sa posibilidad na makasali ang alkalde sa presidential race, habang ang iba ay nalungkot dahil nakapag desisyon na anya sila na suportahan ang ibang kandidato matapos hindi mag file ng certificate of candidacy si Duterte noong Oktubre.

Ang ilan naman, hindi pa rin naniniwala sa anunsyong ito ni Duterte. Anila, maghihintay muna sila hanggang opisyal nang makapag file ng COC ang alaklde bago nila ito paniwalaan.

Pero depensa ng ibang netizen, hindi madali ang desisyong tumakbo sa pagkapangulo kayat hindi rin daw nila masisi si Duterte sa urong-sulong na desisyon nito.

By: Jonathan Andal

Tiniyak ng Department of Education na magkakaroon ng make-up classes ang mga eskwelahan sa Metro Manila na naapektuhan ng Asia Pacific Economic Cooperation (APEC) leaders’ summit matapos suspendihin ang klase sa NCR nitong nagdaang linggo.

Ayon kay Deped-NCR Director Dr. Luz Almeda, ipinauubaya na nila sa mga opisyal ng mga paarlan kung kailan isasagawa ang mga make up class.

Layon anya ng make up class na mapunan ang nawalang panahon sa pag-aaral ng mga bata dahil sa pagkansela ng klase, bunsod ng APEC meeting. Ito’y para makumpleto ang required school day at alinsunod sa DepEd order no. 9 series 2015.

Hinikayat naman ng DePed ang mga guro na isama sa asignaturang “araling panlipunan” ang kahalagahan at benepisyo ng APEC meeting sa buhay ng mga Filipino.

By: Jonathan Andal

Welcome sa kampo ni Presidential candidate Senator Grace Poe ang posibilidad na makasali si Davao City Mayor Rodrigo Duterte sa 2016 presidential race.

Ayon sa tagapagsalita ng senadora na si Valenzuela City Mayor Rex Gatchalian, mas maigi na marami ang tumatakbo sa pagkapangulo dahil pinalalakas umano nito ang demokrasya ng ating bansa.

Ngunit hindi sang-ayon ang kampo ni Senator Poe sa mga alinlangan ni Duterte sa kandidatura ng senadora patungkol sa citizenship at pagiging ampon nito.

Kung matatandaan, kagabi ay inanunsyo ni Duterte na bukas na siya sa pagtakbo sa pagkapangulo sa susunod na taon. Ito’y matapos ibasura ng Senate Electoral Tribunal ang disqualification case laban kay Senator Poe.

By: Jonathan Andal

Nilagdaan na ng  10  bansang  kasapi ng Association  of  South East Asian Nation (ASEAN)  ang kasunduan para wakasan na ang human trafficking  sa  rehiyon.

Ang  paglagda sa  ASEAN convention against trafficking  in persons, lalo na sa mga  kababaihan at  mga  bata  ay lalong  magpapatatag para  ma-address  at makabuo ng  mekanismo para protektahan ang  mga  biktima  ng  trafficking.

Kinikilala ng  10  lider  sa asya  ang pangangailangang  maharap ang problema  sa  trafficking kayat  inatasan ang mga  ministrong   in charge  ng  transnational crimes na  ikunsidera ang  pagkakaroon ng  ASEAN convention on trafficking  in persons.

Kabilang  sa  mga  lumagda sa  kasunduan ay ang  Brunei, Cambodia, Laos, Indonesia, Malaysia, Myanmar, Singapore, Thailand, Vietnam at Philippines.

By: Aileen Taliping (patrol 23)

Kinalampag  ng sektor  ng  mga  nurses  ang  gobyerno na  sundin ang batas  para sa  tamang  pasahod  sa  mga  nurses.

Kasunod  na  rin ito ng patuloy  na  mababang  suweldong  tinatanggap ng  mga  nurses  na nagtatrabaho sa gobyerno sa  kabila ng  batas  na  nagtatakda  ng suweldong hindi bababa sa 24,000 pesos.

Ayon sa  grupong  “Ang  Nars”, dapat  ibigay  ng  gobyerno sa  mga  nurse ang  angkop na  suporta , sa  halip  na  magtiis  sa  suweldong  wala  pa sa  P20,000  .

Sa  ilalim ng  Nursing  Act of  2002, ang basic  pay  na  dapat  ibigay sa  mga  nurses  na nagtatrabaho sa  mga  pampublikong  hospitals ay  hindi dapat  bababa  sa  salary grade  15 o 24, 800 hanggang 26,800 pesos  depende  sa haba  ng serbisyo sa  gobyerno.

By: Aileen Taliping (patrol 23)

Nasasaktan si  Department of Social Welfare and Development Secretary Dinky  Soliman gayundin ang  kanyang  mga  staff sa  inaning  batikos  at  pambibira  sa  bintang  na  itinago nila  ang  mga pamilyang  palaboy sa  buong  panahon ng  Asia  PACIFIC  economic  Cooperation  summit .

Sinabi ni Soliman na nakakasakit  ng  damdamin ang  bira  ng  mga  kritiko  lalo  na  sa  mga  kasamahan nitong  nagtrabaho ng  husto  sa  National Capital Region.

Iginiit  ni  Soliman na si Manila Mayor Joseph Estrada  ang  humingi  ng  tulong  sa  kanila  para  i-register ang mga  pamilyang  tahanan sa  lungsod  ng  Maynila sa  modified  Conditional Cash Transfer  program at  hindi para  itago ang  mga  ito.

Karamihan sa  mga street dwellers  na hinakot sa  kahabaan ng Roxas  boulevard  bago mag-APEC ay dinala sa  Boystown sa  Marikina City at Fabella Compound sa  Mandaluyong city.

By: Aileen Taliping (patrol 23)

Nakatutok ngayon ang  Armed  Forces  of the  Philippines sa  kanilang  operasyon laban sa  Abu Sayyaf  sa  Indanan, Sulu.

Sa  bayan  ng  Indanan  natagpuan ang  ulo ng  Malaysian national na  pinugutan ng mga  bandido  matapos  mabigong  makapagbayad  ng  ransom ang  pamilya nito.

Sinabi ni Armed  Forces  Chief  of Staff  General  Hernando Iriberri na  nagpapatuloy  ang  opensiba  laban sa  mga  bandido at  kinukundena  nila  ang ginawang  pagpugot  kay  Bernard Then Ted Fen.

Hinihintay  pa  aniya  nila  ang  resulta ng  imbestigasyon  kung  ang  pugot  na  ulong  nakita  sa  Jolo, Sulu ay  kay  Fen.

Hindi  pa  makita  ang  katawan  ng  kidnap victim at  inaalam pa  kung  saan ibinaon ito ng  mga  bandidong  Abu Sayyaf.

By: Aileen Taliping (Patrol 23)

Gagamitin  ang  mga Elite  forces ng Philippine National Police  para  tumulong  sa  pagtugis sa  mga  bandidong  Abu Sayyaf  na  namemerwisyo  ng  mga insoenteng  sibilyan sa  Mindanao.

Sinabi ni PNP Spokesman  Police  Chief  Supt. Wilben Mayor  na mahigpit  ang  direktiba  ni Pangulong  Benigno Aquino III  na paigtingin  ang  opensiba  laban sa  bandidong  grupo.

Gayunman, sinabi ni Mayor  na  hindi pa  napag-uusapan kung paano magagamit  ang  elite  forces nila  para  sa  kampanya  laban sa  Abu Sayyaf.

Posible  aniyang  sa  intelligence  aspect sila  makakatulong  at  magkaroon  ng  koordinasyon sa  kanilang counterparts sa  Armed Forces  of the Philippines.

By: Aileen Taliping (Patrol 23)

Gugunitain sa  pamamagitan ng  kilos  protesta  ng  mga  mamamahayag  ang ika-6 na  anibersaryo  ng Maguindanao massacre bukas, araw ng lunes.

Sinabi sa  DWIZ  ni  Dating  National Press Club President  Benny Antiporda na  magkakaroon  ng  wreath laying  para sa  mga  nasawing  media sa NPC  headquarters at pagkatapos ay magmamartsa patungo sa  Mendiola.

Magsusuot  ng  kulay pulang  t-shirt  ang  mga magmamartsang media  na  may nakasulat na “sinungaling ka!” Bilang tanda ng kanilang galit sa kawalan pa rin ng  katarungan  para sa  mga  biktima.

Sinabi ni Antiporda  na  hanggang salita  lamang ang  gobyerno dahil kahit  konting tulong ay wala  naman umanong  naiabot sa  pamilya  ng  mga  biktima ng  karumal-dumal na  massacre.

By: Aileen Taliping (Patrol 23)