14-09-23-08-46-10 (No Winner)
In any order
Jackpot Prize: Php 30,491,376.00
18-23-34-30-21-01 (No Winner)
In any order
Jackpot Prize: Php 64,570,180.00
Tuloy pa rin ang biyahe ni Pope Francis patungong Africa sa kabila ng banta sa kaniyang buhay ng Islamic State of Iraq and Syria o ISIS.
Gayunman, hindi ito alintana ng Santo Papa sa halip, doble pa ang ginagawang paghahanda para sa nasabing okasyon.
Open topped din ang Pope mobile na gagamitin ni Pope francis at nakatakda pa itong bumisita sa mga liblib na lugar tulad ng refugee camp gayndin ng mga mosque.
Layunin nitong maitaguyod ang kapayapaan, social justice at pagkakaisa ng mga Kristiyano at Muslim.
Tatagal ng 5 araw ang kaniyang pagbisita kung saan, partikular nitong bibisitahin ang Kenya, Uganda at central African republic.
By: Jaymark Dagala
May kapalit namang biyaya ang ginawang Asia Paicfic Economic Cooperation summit sa bansa sa kabila ng maraming perhuwisyong idinulot nito sa mga Filipino.
Inihayag ito ni Senador Franklin Drilon sabay paghingi ng paumanhin lalo na sa mga naipit sa matinding trapik.
Gayunman, nilinaw ni Drilon na hindi agad-agad mararamdaman ng mga ordinaryong tao ang epekto ng APEC.
Subalit, mas mararamdaman aniya ito ng mga maliliit at katamtamang mga negosyante dahil sa pangako ng ibang bansa na mamumuhunan sa Pilipinas.
By: Jaymark Dagala
Namayapa na ang batikang fashion designer na si Bubum Melgar.
Nakilala siya nuong dekada 80 hanggang 90 dahil sa mga most artistic at innovative na disenyo tulad ng trendsetting silhouettes.
Kasalukuyang nasa Santuario de san jose sa Greenhills, Mandaluyong ang kaniyang labi at nakatakda itong dalhin sa huling hantungan sa Nobyembre 25, Miyerkules sa Christ the King Columbary sa Quezon City
Pumanaw si Melgar sa hindi pa malamang dahilan ngunit sinasabing matagal na itong nakikipaglaban sa sakit na diabetes.
By: Jaymark Dagala
Nag emergency landing sa Canada ang isang eroplanong galing ng New York City, matapos umanong makatanggap ng report na may bomba sa loob nito.
Ayon sa report ng Reuters, na-divert ang flight ng Turkish Airline Airbus a330 jet na biyaheng New York city to Istanbul kaninang tanghali.
Lumapag ang nasabing eroplano sa Halifax, Canada kung saan naka-abang ang mga pulis at bumbero upang i-isolate, i-evacute at i-search ang loob ng eroplano.
Agad namang rumesponde sa sitwasyon ang canadian emergency services at royal canadian mounted police kung saan ligtas nilang na-i-evacuate ang mga pasahero ng eroplano
Sa ngayon, hindi pa matukoy kung saan nagmula ang bomb threat pero ilan sa mga plane watchers sa social media ang nagsasabing nagsimula lamang ang banta sa internet.
By: Jonathan Andal
Itinanghal na bagong WBC Middleweight Champion si Saul Canelo Alvarez.
Ito’y matapos talunin ni Alvarez si Miguel Cotto via unanimous decision sa katatapos nilang laban sa Mandalay bay sa Las Vegas.
Gitgitan ang laban nila Alvarez at Cotto sa loob ng 12 rounds ng laro
Magugunitang tinanggal kay Cotto ang kaniyang korona bilang WBC middleweight champion bago pa man ang kanilang laban ni Alvarez
Samantala, napanatili naman ni Guillermo Rigondeaux ang malinis niyang kartada laban sa Pinoy na si Drian Francisco sa pamamagitan din ng unanimous decision.
By: Jaymark Dagala
Ibinaba ng grupong Abu Sayyaf ang hinihinging ransom kapalit ng kalayaan ng kanilang bihag na dinukot sa Samal Island.
Ito ang ibinunyag ng isang senior leader ng Moro National Liberation Front, kung saan pinipigil umano ngayon ang mga bihag sa isla ng Sulu.
Mula sa P1-B ay ibinaba ng P900-M na lamang ang ransom demand para sa kalayaan ng 2 Canadian, at Norwegian na hawak ng ABU Sayyaf sub-leader hatib hajan sawadjaan.
Kasamang bihag ng mga Abu Sayyaf ang Pilipinang si Marites Flor subalit wala umanong hinihinging ransom para sa kalayaan nito at nakadepende ang paglaya sa 3 dayuhang bihag na magbabayad ng ransom.
By: Aileen Taliping (patrol 23)
Mahalaga ang palitan ng intelligence para malabanan ang terorismo.
Ito ang inihayag ni Presidential Spokesman Edwin Lacierda matapos malagdaan sa ASEAN summit sa Malaysia ang deklarasyon para sa pagdaigdigang laban kontra terorismo.
Sinabi ni Lacierda na aktibo ang Pilipinas sa pakikipagtulungan sa ibang mga bansa sa kampanya laban sa terorismo at mas mapapaigting pa ito sa pamamagitan nang nilagdaang kasunduan ng mga bansa sa rehiyong Asya.
Nakakalungkot aniya ang pagpugot sa ulo ng Malaysian businessman na bihag ng Abu Sayyaf at gagawin ng gobyerno ang lahat para mapanagot ang mga bandidong naghahasik ng karahasan sa Mindanao.
By: Aileen Taliping (patrol 23)
Hiniling ng Malakanyang sa publiko na maging vigilant at makipagtulungan sa mga otoridad para mahadlangan ang ano mang banta ng terorismo.
Kasunod na rin ito inilunsad na pandaigdigang laban kontra terorismo , bunsod ng mga nangyaring karahasan sa Paris, France, Russia at ang ginawang pagpugot sa ulo ng isang malaysian kidnap victim ng mga bandidong Abu Sayyaf.
Sinabi ni Presidential Spokesman Edwin Lacierda na walang kinikilalang lugar at oras ang terorismo kayat mahalagang maging mapagmatyag at ipaalam kaagad sa mga otoridad ang mga hindi normal na obserbasyon.
By: Aileen Taliping (patrol 23)