June 2026

Inilatag ni Davao City Mayor Rodrigo Duterte ang mga plano nito sa pagsabak sa pampanguluhang halalan sa 2016.

Ayon kay Duterte, kanyang tututukan ang paglaban sa krimininalidad, iligal na droga at korupsyon sa gobyerno.

Tiniyak din ni Duterte na kanyang aayusin ang maraming butas sa gobyerno.

Plano rin ng alkalde sakaling palaring maging pangulo ang pagtatayo ng railway system.

By  Ralph Obina 

Patay ang isang hukom matapos pagbabarilin sa loob ng isang sabungan sa Pambujan, Samar.

Nakilala ang biktima na si Judge Reynaldo Espinar ng Laoang Municipal Trial Court habang napatay naman ng security aide ng huwes ang hindi pa nakikilalang suspek.

Ayon kay Provincial Police Director Senior Superintendent Daniel Mayoni, nasa loob ng cockpit si Espinar nang lapitan ng suspek at pinutukan ng tatlong beses.

Nang magpaputok ng warning shot ang salarin ay nagkaroon ng pagkakaton ang security aide na si Wilfredo Saromenes para barilin ito.

Inaalam pa ng mga awtoridad ang motibo sa naturang pamamaslang.

By  Jelbert Perdez 

Naghain na ng motion for reconsideration si Rizalito David kaugnay ng disqualification case laban kay Senator Grace Poe.

Inamin naman ni David na wala siyang bagong ebidensya na isinama sa naturang mosyon na isinumite niya sa Senate Electoral Tribunal o SET.

Gayunman, binanggit ni David na nagkaroon ng grave abuse of discretion ang ilang senador na pumabor sa pagbasura sa kaso lalo pa’t hindi umano ang batas ang pinagbasehan kundi pulitika.

By Jelbert Perdez | Jill Resontoc (Patrol 7)  

Hindi pa rin nawawalan ng pag-asa si Pangulong Noynoy Aquino na mailulusot at maisasabatas ang BBL o Bangsamoro Basic Law bago matapos ang taon.

Ayon sa Pangulo, consistent silang nakikipag-usap sa kongreso at inaasahang matatalakay ang BBL kasabay ng pagpasa sa pambansang budget para sa 2016.

Aniya, nagkasundo ang mga mambabatas na tanggalin muna ang caucus at harapin ang mga nakabinbing panukalang batas.

By  Jelbert Perdez | Aileen Taliping (Patrol 23)  

Muling nagpaalala ang PNP-Highway Patrol Group sa publiko na tuloy-tuloy ang kanilang paglilinis sa mga alternatibong ruta o Mabuhay Lanes.

Ayon kay HPG Director Police Chief Supt. Arnold Gunnacao, kung inaakala ng mga vendor at motorista na maaari na silang pumuwesto sa Mabuhay Lanes ay nagkakamali umano ang mga ito.

Giit ni Gunnacao, muli’t muli ay susuyuriin ng kanyang mga tauhan ang Mabuhay Lanes para mapanatiling maluwag na ito sa trapiko.

Nananawagan din ang HPG sa publiko at sa mga local government units o LGU’s na makipagtulungan sa kanila upang malinis at maalis ang mga obstruction sa mga alternatibong ruta.

By  Jelbert Perdez | Jill Resontoc (Patrol 7)