June 2026

Itinanggi Senator Grace Poe ang pahayag ni Davao City Mayor Rodrigo Duterte na hiniling niya dito na maging vice presidential candidate siya ng alkalde.

Inamin naman ni Poe na nagkausap umano sila ni Duterte dahil dinala ito ng isang anak ni dating Senator Bert Romulo na kanyang kapitbahay, pero tungkol umano sa mga personal na buhay ang napag-usapan at sa mga nakalipas na kampanya.

Giit ni Poe, kung siya ang may hihilingin kay Duterte ay bakit ito ang lumapit sa kanya.

By  Jelbert Perdez | Cely Bueno (Patrol 19) 

Magpapatupad ng tapyas presyo ang mga kumpanya langis sa kanilang produktong petrolyo bukas, Nobyembre 24.

Epektibo alas-12:01 mamayang hatinggabi P0.75 sentimos ang itatapyas ng Petron sa kada litro ng kanilang gasolina, P0.50 sentimos na rollback sa diesel habang P0.80 sentimos naman na diskwento sa kerosene.

Samantala, ang Caltex naman, magtatapyas ng P0.60 sentimo sa kanilang diesel, P0.50 sentimos sa kerosene habang P0.75 sentimos na tapyas sa kerosene.

Alas-6:00 naman ng umaga bukas susunod sa rollback ang kumpanya ng Shell.

By  Ralph Obina 

Nakikiisa ang mga Overseas Filipino Workers (OFW) sa New Zealand sa pagdarasal at pagpetisyon para sa buhay ni Mary Jane Veloso, ang Pinay drug convict sa Indonesia.

Kasunod ito ng muling pagpapaliban ng gobyerno ng Indonesia sa pagpapataw ng parusang kamatayan sa ating kababayan.

Ayon sa grupong Migrante, kasama ang mga Filipino-Kiwi communities sa New Zealand sa sumusuporta sa OFW.

Ang kaso kasi ni Veloso ang naging mukha anila ng mga OFW na nagiging biktima rin ng human trafficking sa abroad.

Partikular yung mga nasa death row rin dahil sa pang-aabuso ng mga illegal recruiter at abusadong employer.

Umaasa ang Migrante na ang tuluyang pagpapalaya at hustisya para kay Veloso ang susunod na good news na kanilang maririnig.

By Allan Francisco  

Kinilala ang isang Pinoy seafarer sa London dahil sa katapangang ipinamalas nito.

Binigyang pagkilala ang Pinoy na si Vicente Somera ng International Maritime Organization o IMO.

Ayon sa IMO, katangi-tangi kasi ang ipinamalas ng Pinoy matapis nitong sagipin sa dagat ang buhay ng isang banyagang seafarer na si Steve Collins.

Kauganay nito, nasaksihan din ni Philippine Ambassador to the United Kingdom Enrique Manalo ang awarding ceremony para sa ating kababayan.

Ayon kay Manalo, katangi-tangi talaga si Somera dahil handa nitong isakripisyo ang sariling buhay para sa kapakanan ng iba.

Ipinapakita lamang aniya ng aksyong ito ni Somera ang dedikasyon at propesyonalismo ng mga Pinoy seafarer sa trabaho.

By  Allan Francisco 

Hindi pa rin napapauwi sa bansa ang labi ng 13 Pinoy na nasawi sa isang car accident sa Saudi Arabia.

Ang mga nasabing Pinoy ay namatay nang sumalpok ang sinasakyang coaster ng mga ito sa isabg delivery truck sa Al-Ahsa Province sa Saudi.

Sinabi ni Philippine Ambassador to Saudi Arabia Ezzedin Tago na hanggang sa ngayon ay patuloy pa rin ang kanilang pag-aasikaso sa mga dokumento ng 13 Pinoy para maiuwi na ang labi ng mga ito sa bansa.

Ani Tago, kinukumpketo pa rin ng employer ng mga Pinoy na Saudi Arabian Kentz at ng mga Taujan ng embahada ang police report at iba pang importanteng dokumento para tuluyan nang maiuwi sa bansa ang bangkay ng mga ito.

Inaantay na rin ng DFA dito sa Pasay City ang naulilang pamilya ng mga Pinoy para maibigay nito ang consent to accept the remain ng kanilang nasawing kaanak.

Samantala tiniyak naman ng embahada na hindi rin hihinto sa pagtulong ang employer para naman sa mga nasugatang Pinoy sa aksidente.

By Allan Francisco  

Alam na umano ni Senadora Grace Poe ang kanyang mga gagawin sakaling mahalal bilang Pangulo ng bansa sa susunod na taon.

Sa edisyon ng Boses ni Juan sa Karambola, sinabi ni Valenzuela City Mayor Rex Gatchalian, tagapagsalita ni Poe, isa sa mga magandang katangian ng senadora ay nakikinig ito lalo na sa tinig ng taumbayan.

Kaya, ayon kay Gatchalian, itinataguyod ni Poe ang pagkakaroon ng gobyernong may puso.

“The right answers come from the constituents themselves eh, ang mamamayan alam nila kung ano ang solusyon sa araw-araw nilang problema kasi araw-araw nilang pinagdaraanan yun eh pero sometimes lang hindi sila pinakikinggan and that’s when the puso comes in, yung heart, heart to listen and heart to emphatize na makinig sa kanila.” Pahayag ni Gatchalian

By Jelbert Perdez | Karambola