June 2026

Nagtataka ang grupong Pagkakaisa ng mga Samahan ng Tsuper at Opereytor Nationwide (PISTON) kung bakit magkaiba ang direksyon ng presyo ng gasolina at diesel sa bansa kahit na iisa lamang ang pinanggalingan nito.

Ayon kay George San Mateo, Pangulo ng grupong PISTON, hindi kapani-paniwala ang dahilan na ang pagbagsak ng halaga ng piso sa foreign exchange na isa sa nagtatakda ng presyo sa lokal na merkado ang dahilan ng pagkakaiba ng presyo ng dalawang produkto.

Sinabi ni San Mateo sa programang Ratsada na naniniwala siya na may manipulasyon sa presyo ng diesel sa Pilipinas dahil ito ang pinakamalaking merkado o produktong petrolyo na ibinebenta sa bansa dahil sa dami ng gumagamit nito.

Bahagi ng panayam kay San Mateo

Price adjustment

Nagpatupad ng panibagong price adjustments ang mga kumpanya ng langis, epektibo ngayong Martes, Agosto 18.

Simula kaninang alas-12:01 ng hatinggabi, binawasan ng Seaoil ng P0.25 ang presyo ng kada litro ng gasolina habang P0.35 sa kada litro ng diesel.

Naglalaro sa P0.20 naman ang bawas sa presyo ng kada litro ng kerosene.

Epektibo naman ala-1:00 ng madaling araw, tinapyasan ng Shell ng P0.25 ang presyo ng kada litro ng gasolina.

Nagpatupad naman ito ng P0.20 na dagdag sa presyo ng kada litro ng kerosene habang P0.35 dagdag sa presyo ng kada litro ng diesel.

Kaninang alas-6:00 ng umaga, nagpatupad naman ang Phoenix Petroleum ng P0.25 bawas sa presyo ng kada litro sa gasolina at P0.30 bawas sa presyo ng kada litro ng diesel.

Ang panibagong price adjustments ay kasunod sa walong serye ng price rollback noong mga nakaraang linggo.

By Mariboy Ysibido | Ratsada Balita

Kumbinsido si Senadora Grace Poe na ilang kaalyado ni Department of Interior and Local Government (DILG) Secretary Mar Roxas o mga taga-Liberal Party ang nasa likod ng pagsasampa ng kaso ng natalong senatorial candidate na si Rizalito David para mapaatras siya sa halalan.

Sinabi ni Poe na may mga naririnig na siyang tsismis kung sino ang taong nasa likod ng paninira sa kanya at sinabi niya mismo ito kay Secretary Roxas.

Nangako naman si Poe, na hindi aatrasan ang panibagong reklamo ni David sa Commission on Elections (COMELEC).

Itinanggi

Itinanggi naman ni Liberal Party (LP) standard bearer, Department of Interior and Local Government (DILG) Secretary Mar Roxas na ang partido nito ang nasa likod ng pagsampa ng kaso ni Rizalito David laban kay Senadora Grace Poe.

Ito ang sagot na natanggap ni Poe mula kay Roxas nang muli sila nagpulong noong linggo kung saan pormal na inalok dito ang maging running mate ni Roxas para sa 2016 elections.

Ayon kay Poe, may impormasyong nakarating sa kanya na mga tao mismo ni Roxas ang tumitira sa kanya sa likod.

At hindi nito, aniya, uurungan ang mga paratang na ibinabato sa kanya ni David dahil ayaw nitong masabihang duwag.

Mga kasong kaugnay sa citizenship ang mga kasong isinampa ni David laban kay Poe sa Senate Electoral Tribunal at COMELEC.

Nauna nang sinabi ng kampo ni Poe na handa silang sagutin ang mga nasabing kaso.

By  Meann Tanbio | Avee Devierte

Pinangangambahang tumagal hanggang June 2016 ang nararanasang El Niño phenomenon.

Ito’y makaraang lumabas sa datos ng Philippine Atmospheric Geophysical and Astronomical Services Administration (PAGASA) na umabot sa three degrees celsius ang init ng karagatan kumpara sa 2.3 degrees celsius nang tumama ang El Niño mula 1997 hanggang 1998.

Ibinabala ng PAGASA na makararanas ang bansa ng below normal rainfall lalo na sa buwan ng Oktubre hanggang Disyembre kung kailan nasa peak ang El Niño.

By   Meann Tanbio