June 2026

Nag-ikot ngayong araw si dating Pangulo ngayo’y Manila Mayor Joseph Estrada sa Pandacan oil depot.

Ito’y bilang panimula sa pagpapaalis sa mga naglalakihang imbakan ng tatlong dambuhalang kumpaniya ng langis.

Unang tiningnan ng alkalde ang ginagawang pagbabaklas ng mga bakal na tangke ng langis sa nasabing imbakan.

Magugunitang nagsumite na ang big three oil companies ng kanilang removal and relocation plan batay sa atas ng Manila RTC Branch 29 bilang tugon naman sa naging desisyon ng Korte Suprema.

Sinabi pa ni Mayor Erap, pangungunahan ng itinatag na technical compliance and monitoring group ang review sa isinumiteng plano para makapaglatag ng kaukulang rekomendasyon.

Batay sa kautusan ng High Tribunal, mayroon hanggang katapusan ng Enero sa susunod na taon ang mga kumpaniya ng langis na bakantehin ang Pandacan oil depot.

By Jaymark Dagala | Aya Yupangco (Patrol 5)  

Nag-anunsyo na ang ilang kumpaniya ng langis ng kanilang oil price ajustment bukas, Agosto 18.

Epektibo alas-12:01 mamayang hatinggabi, ipatutupad ng mga kumpaniyang Seaoil at Shell ang P0.35 na pagtataas sa presyo ng kada litro ng kanilang diesel.

Beinte sentimos (P0.20) naman ang itataas ng dalawang kumpaniya sa presyo ng kada litro ng kanilang kerosene.

Samantala, P0.25 naman ang itatapyas ng mga nasabing kumpaniya sa presyo ng kada litro ng gasoline.

Sa pagkakataong ito, paghina ng halaga ng piso kontra dolyar ang siyang itinuturong dahilan ng pagkakaroon ng price adjustment sa mga produktong petrolyo.

Inaasahang susunod nang mag-anunsyo ang iba pang kumpaniya ng langis.

By Jaymark Dagala 

Muling nagpulong sina Department of Interior and Local Government (DILG) Secretary Mar Roxas at Senadora Grace Poe.

Ito ang kinumpirma mismo ni Roxas kung saan kasama pa aniya ni Poe ang asawa nitong si Neil Llamanzares.

Hindi naman binanggit ni Roxas ang naging takbo ng pag-uusap nila ng Senadora ngunit tiyak aniyang masusundan pa ito sa mga susunod na araw.

Bagamat di na nagbigay pa ng detalye ukol sa naturang pulong, sinasabing bahagi pa rin ito ng panliligaw ng Liberal Party upang mapa-oo si Poe na maging Bise Presidente ni Roxas sa 2016 elections.

By  Ralph Obina | Jonathan Andal     

Malamig ang Malacañang sa panukalang pagtatalaga ng traffic czar sa Metro Manila para solusyunan ang problema ng mabigat na trapiko sa kalakhang Maynila.

Ayon kay Presidential Communications Group Secretary Sonny Coloma, tinututukan na ni Metroplotan Manila Development Authority (MMDA) Chairman Francis Tolentino ang problema sa trapiko at patuloy aniya ang kanilang pakikipag-ugnayan sa mga lokal na pamahalaan.

Reklamo kasi ng mga motorista…

Lalo bang humaba ang oras ng kanilang biyahe dahil sa matinding trapik sa Metro Manila.

Nakadagdag pa sa matinding trapik ang road repairs at mga nakatiwangwang na paghuhukay ng mga kalsada ng mga kumpanya ng tubig.

By  Ralph Obina | Aileen Taliping (Patrol 23)  

Nirerepaso ng komite ni Senate Committee on Agriculture Chairman Cynthia Villar, ang panukalang batas na naglalayong mapaigting ang implementasyon ng Agricultural Competitiveness Enhancement Fund o ACEF.

Ayon kay Villar, target ng kanyang komite a matapos at maaprubahan ang panukalang batas, bago magsimula ang panahon ng kampanya sa susunod na taon.

Sa pagtalakay, iminungkahi ni Agriculture Usec. for Administration and Finance Antonio Fleta, ang pagpapaliit sa halaga ng ibinibigay na loan, at pataasin naman ang ibinibigay na grant para sa mga magsasaka at mangingisda.

Una nang nakapag-avail ng loan at grant mula sa ACEF ang ilang organisasyon katulad ng QUEDANCOR at NABCOR, na nakakuha ng P1.5 billion pesos subalit nabigo na itong mabayaran.

By  Katrina Valle | Cely Bueno (Patrol 19)  

Itinanggi ni Emeritus Archbishop Oscar Cruz na nalutas na ang problema sa jueteng.

Ayon kay Cruz, dehado sila sa kampanya laban sa sugal dahil mismong ang administrasyon ng Pangulong Noynoy Aquino, ang tila protektor nito.

Bahagi ng panayam kay Archbishop Cruz

Iginiit din ni Cruz, na maliban sa nakakubli sa mga itinuturing na ligal na sugal ang jueteng, marami din pulitiko ang nakikinabang sa pera mula dito, lalo na at papasok nanaman ang panahon ng pangangampanya.

Bahagi ng panayam kay Archbishop Cruz

Medical marijuana

Pinatitiyak ni Cruz sa pamahalaan na hindi maaabuso ang paggamit sa marijuana bilang gamot.

Sa gitna ito ng mga panukala na gawing legal ang paggamit sa medicinal marijuana.

Ayon kay Cruz, nauunawaan ng simbahan ang pangangailangan para dito, at ang pangamba lamang nila ay ang mapasama ang pagsasaligal sa paggamit nito, lalo na at maraming plantasyon ng marijuana, dito sa bansa.

Ang tinig ni Archbishop Cruz sa panayam ng DWIZ

Inclusive growth

Samantala, nakiusap naman si Cruz sa mga susunod na mahahalal na lider ng bansa na tiyaking makakasama sa kanilang programa ang mga maralita.

Iginiit ni Cruz na bagamat palaging ipinapangako ang pagkakaroon ng programa para sa mahihirap hindi naman ito nararamdaman ng mga kinauukulan.

Ayon kay Cruz, wala din saysay ang ipinagmamalaking lumalagong ekonomiya, dahil iilan lamang ang nakararamdam dito.

Bahagi ng panayam kay Archbishop Cruz

By Katrina Valle | Karambola   

Malaking papel ang ginagampanan sa lipunan ng International Humanitarian Law.

Ito ang binigyang diin ni dating Senador ngayo’y Red Cross Chairman Richard Gordon kasabay ng paggunita ngayong araw ng International Humanitarian Law Day.

Sa panayam ng DWIZ, partikular na inihalimbawa ni Gordon ang madugong Mamasapano massacre na ikinasawi ng SAF 44 bilang isang konkretong paglabag sa nasabing batas.

Isa si Gordon sa mga miyembro ng Ad Hoc Committee on International Humanitarian Law sa United Nations.

“Dapat ang gobyerno pairalin ‘yan, kasi dito puwede mong parusahan ‘yung mismong Presidente, ‘yung mismong leader ng halimbawa ng mga rebelde, command responsibility ‘yan, kahit na hindi mo sila kilala pero alam nila na nangyari ‘yun, puwede silang kasuha diyan, hindi lang revised penal code ngunit ‘yang tinatawag nating International Humanitarian Law.” Pahayag ni Gordon.

By  Jaymark Dagala | Allan Francisco