20 sa 69 na mga paaralan sa Marawi City ang hindi na magagamit ngayong pasukan.
Batay ito sa assessment ng DepEd o Department of Education sa mga eskwelahan sa lungsod matapos mawasak at masunog sa limang buwang bakbakan sa pagitan ng tropa ng pamahalaan at Maute terror group.
Dahil dito, aabot sa 31 mga estudyante sa Marawi City ang na-displace at naapektuhan ng pagkawasak ng mga nasabing paaralan.
Ayon sa DepEd, karamihan sa mga ito ang napilitan na lamang mag-enroll sa ibang eskwelahan habang ilan naman ay plano nilang isama sa mga paaralan sa Marawi City na hindi naapektuhan ng labanan.
Dagdag ng DepEd, maglalagay sila ng mga temporary learning space sa mga bakanteng espasyo sa mga hindi naapektuhang paaralan para ma-accommodate ang lahat ng mga estudyante sa Marawi City.
