Ipinasisibak ng Office of the Ombudsman mula sa serbisyo ang Bise Alkalde ng Bacolod – Kalawi , Lanao del Sur na si Diarangan Dipatuan at Treasurer na si Rasad Sumarpa dahil sa kasong grave misconduct.
Nag – ugat ang kaso matapos i – under declare ng dalawang nasabing opisyal ang sahod ng complainant na si Habib Tarosan , kung saan nag resulta ito ng pagbaba sa kanyang kontribusyon sa GSIS.
Batay sa record ng remittances nuong 2012 bumaba sa 14,179 Pesos ang declared salary ni Tarosan gayung dapat ay 20,367 ang kanyang sahod.
Lumabas din sa cheke ng Pag-Ibig Fund sa Iligan City na bigong mai-remit ng Bacolod-Kalawi ang kontribusyon ng kanilang munisipalidad.
Dahil sa nasabing kaso , posibleng maharap sina Dipatuan at Sumarpa sa kanselasyon ng eligibility ; forfeiture ng retirement benefits at habang buhay na diskwalipikasyon sa trabaho sa gobyerno.