2 nasawi sa lindol sa Leyte pinangalanan na

Kinilala na ng NDRRMC o National Disaster Risk Reduction and Management Council ang dalawang (2) nasawi matapos tumama ang 6.5 magnitude na lindol sa Leyte.

Ito ay sina Gerry Movilla, 40-anyos na natabunan sa gumuhong tatlong palapag na gusali sa Kananga at si Rhissa Rosales, 19-anyos na nabagsakan naman ng konkreto.

Batay pa rin sa tala ng NDRRMC nasa pitumpu’t dalawa (72) na ang nasugatan dahil sa lindol.

Apatnapu’t tatlo (43) ang mula sa bayan ng Kananga, tatlo (3) mula sa Ormoc habang dalawampu’t anim (26) sa Carigara.

Samantala, nadadaanan na rin ang mga tulay at kalsada sa leyte na nagtamo ng bitak dulot ng lindol.

By  Krista de Dios | with report from Jonathan Andal (Patrol 31)

Comments

comments