Arestado ang isang drug suspek sa ikinasang buy-bust operations ng PNP Drug Eforcement Group (PDEG) sa Antipolo City.
Kinilala ni PDEG Director, P/BGen. Randy Peralta ang naaresto na si Jheremy Manakil Javier alyas David na residente ng Brgy. Mambugan sa naturang lungsod.
Nakuha mula sa suspek ang nasa 1.7 kilo ng marijuana na nagkakahalaga ng 212,500 batay sa pagtaya ng Dangerous Drugs Board (DDB).
Maliban dito, nakuha rin ng mga awtoridad ang 1 libong pisong boodle money, cellphone na ginagamit ng suspek sa transaksyon at ilang Identification o ID cards.
Agad dinala sa PDEG Special Operations Unit 4A ang suspek at sasampahan ng kasong paglabag sa RA 9165 Comprehensive Dagerous Drugs Act of 2002. —ulat mula kay Jaymark Dagala (Patrol 9)
