Patay ang dalawang (2) trabahador ng Department of Public Works and Highways (DPWH) matapos tambangan sa Lamitan City, Basilan.
Nakilala ang mga nasawi na sina Basit Daimum at Adzhar Dakis na kapwa mixer operator ng DPWH.
Batay sa imbestigasyon ng Lamitan City police station, galing sa sitio ng Ungkaya Pukan ang dalawang biktima sakay ng trak ng DPWH nang harangin at paulanan ang mga ito ng bala ng armadong kalalakihan.
Isinugod naman sa ospital ang mga sugatan na sina Mittoy Estajal at si Abdul Sarabin.
Sa ngayon ay hindi pa direktang tinukoy ng mga pulis at militar kung kagagawan ito ng teroristang Abu Sayyaf ang pananambang.
