Pinaplantsa na ng grupong PISTON o Pinagkaisang Samahan ng mga Tsuper at Operators Nationwide ang dalawang araw na tigil pasada sa susunod na linggo.
Ayon kay PISTON National President George San Mateo, target na ilarga ito sa Oktubre 16 at 17 araw ng Lunes at Martes.
Ito na ang ikatlong transport strike ng PISTON ngayong taon na layong kontrahin ang jeepney phase out at programang modenisasyon ng pamahalaan.
Hinimok pa ni San Mateo ang iba pang grupo ng transportasyon na makiisa sa kanilang gagawing pagkilos para maging matagumpay ang kanilang planong maparalisa ang biyahe ng jeep sa Metro Manila at iba pang bahagi ng bansa.
—-
