Mistulang nalusutan na naman ang gobyerno matapos mapaulat na may ikalawang batch ng container van na naglalaman ng basura mula sa Canada.
Ayon kay Presidential Communications Secretary Sonny Coloma, aalamin nila ito sa Bureau of Customs (BOC).
Matatandaang ilang taon ng nakatengga ang ilang container van sa Port of Manila na naglalaman din ng basura mula sa Canada na banta sa kalusugan at kapaligiran.
Sinabi ni Coloma na kinasuhan na ng gobyerno ang importer ng basura mula Canada at umuusad na ang kaso kaya’t ganito rin ang mangyayari kung totoong may panibagong inimport na basura mula sa nabanggit na bansa.
By Meann Tanbio | Aileen Taliping (Patrol 23)
