Itinuturing ni Pangulong Ferdinand Marcos Jr. na bahagi ng destabilisasyon ang pagkwestyon sa Korte Suprema ng ilang indibidwal at grupo sa legalidad ng 2025 national budget.
Tahasang sinabi ni Pangulong Marcos na sa kanyang pananaw, nais ng mga taong kumukwestyon sa ang pambansang budget na tuluyang magsara ang operasyon ng gobyerno para maipagpatuloy ang tangkang destabilisasyon.
Ipinunto ng Presidente na sakaling hindi pumabor sa pamahalaan ang pasya ng kataas-taasang hukuman kaugnay sa pambansang pondo, walang contingency measures ang Gobyerno, kundi tuluyang isara ang operasyon.
Gayunman, kumpiyansa ang pangulo na sa pamamagitan ng Office of the Solicitor General, mailalahad at madidipensahan nito ang posisyon ng gobyerno sa pambansang budget.
Giit ni PBBM, nagkausap na sila ni solicitor general menardo guevarra at tinayak anya sa kaniya ni OSG Gueverra na matatag at matibay ang posisyon ng gobyerno sa usapin ng pagiging konstitusyonal ng pambansang budget. – Sa panulat ni Kat Gonzales
