Umakyat na sa mahigit apatnaraang metric tons ng basura na bumara sa Redemptorist Water Channel sa Barangay Baclaran sa Parañaque City ang nahakot ng mga otoridad mula sa clearing operations nitong Agosto 10 hanggang 12.
Ayon sa Metropolitan Manila Development Authority o MMDA, napuno nito ang siyamnapu’t-anim na dump truck.
Tiniyak ni MMDA General Manager Nicholas Torre III na hahakutin nila ang mga basura at iginiit na kailangang magkaroon ng pagbabago upang masolusyunan ang problema.
Samantala, ayon sa Department of Public Works and Highways (DPWH), posibleng umabot pa ng ilang araw o linggo ang clearing operation. l mula sa panulat ni Reianne Antiquina
