Patuloy na umaangat ang antas ng tubig sa mga pangunahing dam sa bansa sa gitna ng nararanasang pag-ulan dulot ng habagat.
Batay sa monitoring ng PAGASA, tumaas sa 177.69 meters ang lebel ng tubig sa Angat Dam o katumbas ng 2.83 meters mula sa normal high-water level na 280 meters.
Samantala, binuksan ang spillway gate sa Ambuklao Dam sa Benguet upang mabawasan ang lebel nito, gayundin ang Binga Dam.
Pinakamalaki naman ang itinaas ng water level sa San Roque Dam sa Pangasinan, na umangat ng 2.83 meters, bagama’t nananatili pa rin itong mas mababa sa normal high-water level.
Tumaas din ang water level sa Pantabangan Dam sa Nueva Ecija at Magat Dam sa Isabela habang bumaba naman ang antas ng tubig sa La Mesa at Caliraya Dams. l mula sa panulat ni Reianne Antiquina
