Naniniwala si Presidential Communications Office Secretary Martin Andanar na nagagawa naman nang maayos ni Mocha Uson ang kanyang trabaho bilang Assistant Secretary ng PCO o Presidential Communications Office.
Sinabi ito ni Andanar sa harap ng inihaing mga kaso ni Senador Antonio Trillanes IV laban kay Uson dahil umano sa pagpapakalat ng mga pekeng balita.
Ayon kay Andanar, epektibo si Uson bilang isa sa mga communicators aniya ni Pangulong Rodrigo Duterte lalo na pagdating sa social media.
Samantala, tikom naman ang bibig ni Andanar sa panawagan ni Trillanes na magbitiw na sa puwesto si Uson.
—-