Dalawang Taiwanese ang arestado sa isinagawang drug-bust operation sa Macapagal Boulevard sa Parañaque City.
Inilunsad ng Philippine Drug Enforcement Agency ang operasyon katuwang ang PNP anti-illegal drugs group.
Ayon kay PDEA Director-General Arturo Cacdac, nasabat mula sa dalawang dayuhan ang 39na pack ng shabu na nagkakahalaga ng halos 2 Milyong Piso.
Tumanggi naman idetalye ni Cacdac kung saan nagmula ang impormasyon na nagturo sa mga target.
Magugunitang maka-ilang ulit ng naglunsad ng mga matagumpay na drug-bust operation ang mga otoridad sa Parañaque City.
By: Drew Nacino
