Namumuro ang big-time oil price increase sa susunod na linggo dahil nananatiling mataas ang presyo ng langis sa international market.
Batay sa dalawang araw ng trading noong August 11 at 12, tumaas ng nasa kwatro pesos nobenta sentimos ang kada litro ng diesel, habang tres pesos dies sentimos sa gasolina, at singko pesos trenta sentimos sa kerosene.
Ayon kay Jetti Petroleum President Leo Bellas, posible pang bumaba ang presyo sa trading ngayong araw, pero hindi ito sapat para bawasan ang malaking pagtaas noong Martes.
Kabilang anya sa mga nagpapataas ng presyo ng krudo ang humihinang pag-asa sa muling pagbubukas ng Strait of Hormuz at sa pagkakaroon ng peace deal sa pagitan ng Estados Unidos at Iran. | mula sa panulat ni Jordan Gutierrez
