Makikipagdayalogo ang liderato ng Kamara sa mga miyembro ng House prosecution team kaugnay ng ulat na “unhappy” o hindi umano nasisiyahan ang ilang prosecutors sa suportang natatanggap nila mula sa House leadership, partikular kay House Speaker Faustino Dy III.
Ayon kay House Majority Leader Sandro Marcos, ngayon lamang niya narinig ang naturang ulat, pero agad niya itong beberipikahin sa prosecution panel.
Sinabi ni Marcos, na sakaling mapatunayan ang isyu, handa aniya ang liderato ng Kapulungan na tugunan ito.
Nilinaw rin ng Majority Leader na hindi nakikialam ang House leadership sa trabaho ng prosecution panel.
Sa kabila aniya nito, iginagalang ng liderato ng Kamara ang pagiging independent ng mga prosecutor sa paghawak ng impeachment trial laban kay Vice President Sara Duterte.
Sinabi ni Marcos, na sinusubaybayan niya ang mga pagdinig at humahanga siya sa naging pagganap nina House Lead Prosecutor Gerville Luistro at Prosecutor Chel Diokno sa paglalahad ng ebidensya at argumento sa Senado. | via Geli Mendez (Patrol 30)
