Ibinunyag ni Senador Panfilo Lacson ang tinukoy niyang mga ebidensya ng sinasabing double billing at koleksyon kaugnay sa infrastructure projects sa Taguig City.
Batay sa social media post ni Senador Lacson, dalawang magkaibang proyekto ang gumamit ng iisang larawan bilang batayan sa pagsingil, kahit nabayaran na ang mga ito.
Dagdag pa ng mambabatas, mayroon ding umano’y proyekto na nakatanggap ng dalawang magkahiwalay na budget appropriation na siningil at nakolekta na.
Ayon kay Senador Lacson, ang mga pinakahuling impormasyon ay idadagdag sa mga nakalap na ebidensya ng kanyang opisina tungkol sa alegasyon ng maanomalyang proyekto sa Taguig City, ang baluwarte ni Senate Minority Leader Alan Peter Cayetano.
Samantala, sinabi ni Senador Lacson na maaaring isumite sa Office of the Ombudsman o sa Senado ang mga ebidensya upang magsilbing batayan sa pagsasagawa ng imbestigasyon. | Sa panulat ni Reianne Antiquina
