Umabot na sa tatlo ang kumpirmadong nasawi sa nangyaring flash flood sa bayan ng Jose Abad Santos, Davao Occidental, bunsod ng malakas na pag-ulan noong Biyernes, July 10.
Ayon sa Davao Occidental Provincial Disaster Risk Reduction and Management Office, ang bilang ng mga katawang natukoy ay mula sa siyam na nawawala matapos tangayin ng matinding baha sa Barangay Tanuman.
Samantala, tiniyak naman ng PDRRMO-Davao Occidental na patuloy ang search and recovery operations sa natitirang anim pang nawawala, kabilang ang sinasabing mga senior citizen. | Sa panulat ni Reabelle Medina
