Umakyat na sa tumataginting na P375 million ang jackpot prize na maaring mapanalunan ng mga mananaya para sa ultra lotto 6/58.
Ayon kay Philippine Charity Sweepstakes Office General Manager Royina Garma, wala umanong nakahula sa six-digit winning combination na 58-19-35-46-30-10 na nagkakahalaga ng P360 million.
Nakatakdang bolahin ng PCSO mamayang alas-nueve ng gabi, Biyernes, November 26 ang ultra lotto 6/58 na nagkakahalaga ng P20 bawat isang ticket.
Hinikayat naman ni Garma ang publiko na patuloy na tangkilikin ang PCSO games para magkaroon ng tiyansang maging susunod na instant milyonaryo. —sa panulat ni Angelica Doctolero
