Muling pinagtibay ng Pilipinas at labing tatlong iba pang bansa ang 2016 South China Sea Arbitral Award kasabay ng ika-sampung anibersaryo ng nasabing ruling na kumikilala sa karapatan ng Pilipinas sa West Philippine Sea.
Sa isang joint statement, iginiit ng Australia, Canada, Estonia, Germany, Italy, Japan, Latvia, Lithuania, New Zealand, Romania, Slovenia, United Kingdom, at United States na ang mga sigalot sa dagat ay dapat maresolba sa mapayapang paraan at alinsunod sa UN-CLOS o United Nations Convention on the Law of the Sea.
Binigyang-diin ng mga bansa na ang arbitral award ay isang mahalagang milestone at nananatiling pinal, may legal na bisa, at umiiral sa usapin ng maritime entitlements ng Pilipinas at China.
Magugunitang noong July 12, 2016, ibinasura ng Permanent Court of Arbitration sa The Hague ang malawak na pag-angkin ng China sa South China Sea sa pamamagitan ng nine-dash line, at kinilala ang karapatan ng Pilipinas sa loob ng 200-nautical mile Exclusive Economic Zone nito, alinsunod sa UN-CLOS.
Muli ring iginiit ng labing apat na bansa na walang legal na batayan ang malawak na maritime claims ng China sa West Philippine Sea, kabilang ang mga nakabatay sa umano’y “historic rights” ng China.
