Inaprubahan na ni Pangulong Ferdinand Marcos Jr. ang panukalang 2027 National Expenditure Program sa isinagawang Cabinet meeting sa Malacañang.
Ayon kay Acting Presidential Communications Office Secretary Dave Gomez, iniharap ng Department of Budget and Management ang panukalang budget sa pangulo at sa mga miyembro ng gabinete bago ito tuluyang aprubahan.
Gayunman, hindi muna ibinunyag ni Secretary Gomez ang kabuuang halaga ng inaprubahang badyet, dahil nais niyang ipaubaya kay Pangulong Marcos ang opisyal na pag-aanunsyo nito.
Nakapaloob sa naturang budget ang mga kinakailangang pondo ng bawat departamento at ahensya ng gobyerno upang maisakatuparan ang kani-kanilang mga programa at proyekto sa taong 2027.
Samantala, nakatakdang isumite ng pangulo sa Kongreso ang 2027 National Expenditure Program sa August 14, 2026, dalawang linggo matapos ang kanyang kanyang State of the Nation Address sa Hulyo 27.
