Nilinaw ni House Impeachment Trial Spokesperson Atty. Renee Co na may mga schedule na inilaan at pinayagan ang Senate Impeachment Court para sa paghaharap ng mga testigo at presentasyon ng mga ebidensya ng magkabilang panig.
Ito’y matapos ipagpaliban ng House Prosecution Panel ang pagharap ngayong araw sa Day 3 ng impeachment trial ni National Bureau of Investigation o NBI Regional Director Atty. Jeremy Lotoc.
Ayon kay Co, mas mahaba ang isinagawang cross-examination ng defense legal team ngayong araw kumpara sa naging direct examination kahapon ng House Prosecution Panel.
Ayon kay Co, binigyan din ng sapat na oras ang mga senator-judges upang salain at lubos na maunawaan ang proseso ng impeachment.
Hinihikayat ni Co ang publiko na patuloy na subaybayan ang bawat araw ng impeachment proceedings upang maging mulat sa mga ebidensya at mga inilalahad ng bawat witness at magkabilang panig. | via Geli Mendez (Patrol 30)
