Personal na ininspeksiyon ni DPWH Secretary Vince Dizon ang mga lugar sa General Santos City at Sarangani na naapektuhan ng magnitude 7.8 na lindol.
Inatasan ni Dizon ang mga lokal na opisyal ng DPWH na pabilisin ang pagkukumpuni ng mga nasirang kalsada, tulay, at iba pang imprastraktura upang matiyak ang tuloy-tuloy na paghahatid ng ayuda at serbisyong pang-emergency. Sinuri rin niya ang kondisyon ng Dr. Jorge P. Royeca Hospital sa GenSan at Sarangani Provincial Hospital sa Alabel kasunod ng naiulat na pinsala sa mga pasilidad.
