Nakakaalarma para sa United Nations Children’s Fund o UNICEF ang pagdami ng mga batang may chronic malnutrition o “stunting.”
Ayon sa pinakahuling ulat ng Department of Science and Technology–Food and Nutrition Research Institute, 23.6%, o isa sa bawat apat na batang Pilipinong limang taong gulang pababa, ay nakakaranas ng stunting dahil sa hindi sila nakakakain ng maayos.
Para sa UNICEF, maaaring humantong ang chronic malnutrition sa problema sa pagkakatuto at productivity ng isang indibidwal.
Dahil dito, hinimok ng UNICEF ang Pamahalaan ng Pilipinas na palakasin ang pakikipag-koordinasyon ng ilang kagawaran, lalo na ang Departments of Health; Agriculture; at Social Welfare and Development, upang matiyak na makakayanan ng bawat pamilyang Pilipino na makakain ng sapat at masustansya.
Mahalaga rin anila na matutukan din ang mga babaeng nagbubuntis dahil posibleng maging malnourished ang kanilang isisilang na sanggol.
