Patuloy sa paghahanda ang National Capital Region Police Office para sa isa pang bugso ng Trillion Peso March sa Nobyembre a-trenta.
Sa panayam ng DWIZ, sinabi ni NCRPO spokesperson Major Hazel Asilo na magpapakalat sila ng mahigit labinlimang libong pulis para sa isasagawang kilos-protesta sa katapusan ng buwan.
Binigyang-diin ni Major Asilo na target nilang maiwasan ang muling pagkakaroon ng mga riot tulad ng nangyari noong Setyembre a-bente uno.
Sinabi ni Major Asilo na pinalakas din nila ang pagmamanman, lalo na sa social media, dahil doon aniya nakikita ang panghihikayat sa mga kabataan na makilahok sa mga protesta.
