Naniniwala si Senate President Vicente “Tito” Sotto III na mas mainam nang buwagin ang mga District Engineering Offices at panatilihin na lamang ang mga Regional Offices ng Department of Public Works and Highways.
Ayon kay Sotto, bubuo sila ng batas para suportahan ang pagsasaayos sa hanay ng ahensya.
Ngunit iginiit ni dating DPWH Undersecretary Roberto Bernardo na mahihirapan ang mga Regional Office na matugunan ang pangangailangan ng bawat distrito dahil sa lawak ng kanilang saklaw.
Kaugnay nito, sinang-ayunan ni Senador Rodante Marcoleta si Sotto at iginiit na dapat nang alisin ang D.E.O. dahil ang mga kongresista umano ang nag-a-appoint sa mga district engineers, kaya’t nauuwi sa korapsyon ang mga proyekto.
Ito ang magkakasanib na posisyon nina Senate President Sotto, Senador Marcoleta at dating Usec. Bernardo sa pagdinig ng Senado kaugnay ng anomalya sa flood control projects.
—sa panulat ni Daniela De Guzman
