Hinimok ni Senador Joel Villanueva ang pamahalaan na simulan nang bakunahan na ang mga essential workers bago pa man ma-expire at masayang ang bakuna kontra COVID-19.
Giit ni Villanueva, bagaman kailangang mauna sa bakuna ang mga frontline health workers ay dapat ding maging handa ang mga susunod sa priority group para bakunahan.
Gaya na lamang aniya ng mga manggagawa na nagta-trabaho sa mga essential services, mga drivers ng public utility vehicles (PUVs), at mga delivery riders, na kapwa malapit din aniya sa panganib ng virus.
Aniya, time-on-target ang pagbabakuna dahil may expiration date ang mga ito. —ulat mula kay Cely Ortega-Bueno (Patrol 19)