Nanawagan ang Department of Interior and Local Government (DILG) sa Commission on Elections (Comelec) na i-reactivate na ang Task Force Kontra Bigay (TFKB) hanggang sa municipal level na siyang tututok sa mga reklamo kaugnay sa pagbili at pagbebenta ng boto.
Ayon kay DILG Undersecretary, Spokesperson Jonathan Malaya, isa itong malaking dagok sa demokrasya ng Pilipinas dahil sa Section 261 ng Omnibus Election Code, ang pamimili at pagbebenta ng boto ay mahigpit na ipinagbabawal.
Nabatid na bukod sa Comelec, kabilang din sa mga bumubuo ng Task Force Kontra Bigay (TFKB) ang Department of Justice (DOJ), Department of Interior and Local Government (DILG), Presidential Anti-Corruption Commission (PACC), National Bureau of Investigation (NBI), philippine national police (PNP), armed forces of the philippines (AFP) at philippine information agency (PIA).
Ayon sa Comelec, ilalabas ang resolusyon bukas, Miyerkules at magkakaroon din ng pagpupulong ang mga miyembro pagkatapos ng Mahal na Araw. — sa panulat ni Angelica Doctolero