Nananatiling mataas ang trust and performance rating ni Pangulong Ferdinand Marcos Junior sa ikalawang bahagi ng 2025.
Batay ito sa tugon ng Masa Nationwide Survey ng OCA Research kung saan pumalo sa 64% ang trust rating ni Pangulong Marcos ngayong buwan habang umabot naman sa 62% ang performance rating nito.
Mas mataas ito kumpara sa datos nuong Abril kung saan nakakuha lamang si Pangulong Marcos ng 60% sa trust rating at 59% na performance rating.
Samantala, bumaba naman ang trust at performance ratings ni Vice President Sara Duterte kung saan mula sa 58 percent na trust rating nuong Abril ay naging 54% na lamang ito habang bumaba rin sa 50% ang performance rating ng Pangalawang Pangulo.
