Hinamon ng young guns ng Kamara ang mga kandidato sa pagka-senador na isapubliko ang posisyon kaugnay sa impeachment laban kay Vice President Sara Duterte.
Ayon kina House Assistant Majority Leader Amparo Maria “Pammy” Zamora at 1-Rider Partylist Rep. Rodge Guttierez, dapat ihayag ng senatorial candidates ang kanilang paninindigan sa isyu ng transparency at accountability hinggil sa sinasabing maling paggamit ng confidential funds sa tanggapan ng Office of the Vice President at Department of Education.
Naniniwala ang dalawang Kongresista na magiging malaking isyu ngayong campaign season ang mga reklamong kinakaharap ni VP Sara.
Nabatid na hati ang opinyon ng mga pulitiko hinggil sa usapin ng impeachment case ng Bise Presidente. - Sa panulat ni John Riz Calata
