Inaalam na ng National Disaster Risk Reduction and Management Council (NDRRMC) ang mga pinsalang hatid ng magnitude 5.7 na lindol sa Looc, Occidental Mindoro kaninang madaling araw.
Sa panayam ng DWIZ, sinabi ni NDRRMC Spokesperson Mark Timbal na patuloy silang nakikipag-ugnayan sa kanilang local counterparts partikular sa mga lugar na nakaramdam ng malakas na pagyanig.
Gayunman, handa naman ang NDRRMC sa mga kinakailangang tulong sakaling hingin ng mga apektadong lokal na pamahalaan.
